തിരുവനന്തപുരം: ലോക കേരള സഭാ സമ്മേളനത്തില്‍ പങ്കെടുക്കാന്‍ വീണ്ടും വിദേശത്തേക്ക് പോകാനൊരുങ്ങി മുഖ്യമന്ത്രിയും മന്ത്രിമാരും. അടുത്ത മാസം 19 മുതല്‍ 22 വരെ സൗദി അറേബ്യയില്‍ നടക്കുന്ന മേഖലാ സമ്മേളനത്തില്‍ പങ്കെടുക്കുന്നതിന് വിദേശയാത്രക്ക് അനുമതി തേടി സര്‍ക്കാര്‍ കേന്ദ്രത്തിന് അപേക്ഷ നല്‍കി.
ലോക കേരള സഭ ഈ വര്‍ഷം രണ്ട് മേഖലാ സമ്മേളനങ്ങളായിരുന്നു പ്രഖ്യാപിച്ചത് അമേരിക്കന്‍ സമ്മേളനം കഴിഞ്ഞു. ഒക്ടോബറിലാണ് സൗദി മേഖലാ സമ്മേളനം നടക്കുന്നത്. ഇതിനൊപ്പം കേരളത്തിലെ സമ്മേളനവും വരുകയാണ്.
സാമ്പത്തിക പ്രതിസന്ധിക്കിടെ ലോക കേരളസഭക്ക് രണ്ട് മാസം മുമ്പ് രണ്ടര കോടി അനുവദിച്ച് സര്‍ക്കാര്‍ നേരത്തെ ഉത്തരവിട്ടിരുന്നു. മേഖലാസമ്മേളനം, യാത്ര, പരസ്യപ്രചാരണം എന്നിവയ്‌ക്കാണ് തുക അനുവദിച്ചത്. സാമ്പത്തിക പ്രതിസന്ധിയില്‍ കേരളം ഞെരുങ്ങുന്നതിനിടെയാണ് സര്‍ക്കാരിന്റെ ഈ തീരുമാനം.
പ്രതികരിക്കാൻ ഇവിടെ എഴുതുക: