തിരുവനന്തപുരം: മുന്‍ മന്ത്രിയും എന്‍എസ്എസ് നേതാവുമായ കെബി ഗണേശ്കുമാര്‍ ക്രൈസ്തവ വിശ്വാസം പുലര്‍ത്തുന്ന ആളാണെന്ന് വെളിപ്പെടുത്തി സഹോദരി ഉഷ മോഹന്‍ദാസ്. ഗണേഷിന്റെ വീട്ടില്‍ പൂജാമുരിയില്‍ അള്‍ത്താര മാത്രമാണുള്ളതെന്നും മെയില്‍ അക്കൗണ്ടിന്റെ പ്രൊഫൈല്‍ പിക്ച്ചര്‍ പരിശുദ്ധ മാതാവിന്റെ ചിത്രം ആളെന്നും ഉഷ വെളിപ്പെടുത്തി. സ്വകാര്യ പ്രാര്‍ത്ഥനയെല്ലാം അന്യ മതത്തിന്റെ രീതിയില്‍ ചെയ്യുന്ന ഗണേഷ് കുമാറിന്റെ ഭാര്യയുടെ കൈത്തണ്ടയില്‍ അന്യ മത സന്ദേശങ്ങള്‍ പച്ച കുത്തിയിട്ടുണ്ടെന്നും ഉഷ പറഞ്ഞു. ഉണ്ണാനും ഉറങ്ങാനും അന്യ മത പുരോഹിതന്റെ നിര്‍ദ്ദേശം കാക്കുന്നയാളാണ് ഗണേശെന്നും സഹോദരി ആരോപിച്ചു.
തെരഞ്ഞെടുപ്പ് വേളയില്‍ തന്റെ ജീവിതം മാറ്റി മറിച്ചത് ക്രിസ്തുവിലുള്ള വിശ്വാസം ആണെന്നു പറയുകയും പെന്തകോസ്തുകാരുടെ പരിപാടില്‍ പരിപാടിയില്‍ ഗണേഷ് പങ്കെടുത്തതും ചര്‍ച്ചയായിരുന്നു.
എന്‍ എസ് എസ് അംഗങ്ങള്‍ക്കുള്ള മുന്നറിയിപ്പ് എന്ന നിലയില്‍ ഫേസ് ബുക്കിലാണ് ഉഷ സഹോദരന്‍ ക്രൈസ്തവ വിശ്വാസം പിന്തുടരുന്ന ആളെണെന്ന് പറയുന്നത്.
ഉഷ എഴുതിയതിങ്ങനെ
‘എന്റെ ദേവനും ദേവിയും നായര്‍ സര്‍വീസ് സൊസൈറ്റിയാണ്’. ജനനം ഹിന്ദു കുടുംബത്തില്‍ ആണെങ്കിലും മറ്റു മതങ്ങളില്‍ വിശ്വസിച്ചു ജീവിക്കുന്നവര്‍ യൂണിയന്റെ സമ്പത്തും സ്വാധീനവും കണ്ടു നേതൃത്വത്തില്‍ വരാന്‍ ശ്രമിക്കും; സൂക്ഷിക്കുക. ഉണ്ണാനും ഉറങ്ങാനും അന്യ മത പുരോഹിതന്റെ നിര്‍ദ്ദേശം കാക്കുന്നവര്‍, ഭാര്യയുടെ കൈത്തണ്ടയില്‍ പോലും അന്യ മത സന്ദേശങ്ങള്‍ പച്ച കുത്തിയവര്‍, സ്വന്തം വീട്ടിലെ പൂജാ മുറിയില്‍ അള്‍ത്താര മാത്രം ഉള്ളവര്‍, സ്വന്തം മെയില്‍ അക്കൗണ്ടിന്റെ പ്രൊഫൈല്‍ പിക്ച്ചറായി പരിശുദ്ധ മാതാവിന്റെ ചിത്രം ഇടുന്നവര്‍, സ്വകാര്യ പ്രാര്ഥനയെല്ലാം അന്യ മതത്തിന്റെ രീതിയില്‍ ചെയ്യുന്നവര്‍, ഇങ്ങനെയുള്ളവര്‍ നേതൃസ്ഥാനത്തു വരുന്നതിനെതിരെയാണ് ജാഗ്രത വേണ്ടത്.
പ്രതികരിക്കാൻ ഇവിടെ എഴുതുക: