തിരുവനന്തപുരം: അയൽവാസിയെ കൊലപ്പെടുത്താൻ ശ്രമിച്ച കേസിൽ പ്രതി അറസ്റ്റിൽ. അരുവിക്കര മുളയറ കരിനെല്ലിയോട് നാലുസെന്റ് കോളനിയിൽ അജിയെയാണ് അറസ്റ്റ് ചെയ്തത്. ലഹരിക്ക് അടിമയായ പ്രതി അയൽവാസിയായ മനോഹരനെ വെട്ടികൊലപ്പെടുത്താൻ ശ്രമിക്കുകയായിരുന്നു. എഴാം തീയതി രാത്രി പത്ത് മണിയ്ക്കാണ് സംഭവം. പ്രതി മനോഹരന്റെ വീട്ടിലെത്തി ബഹളം ഉണ്ടാക്കിയ ശേഷം വെട്ടുകത്തി എടുത്ത് കൊല്ലാൻ ശ്രമിക്കുകയായിരുന്നുവെന്ന പോലീസ് പറയുന്നു.
തലയിൽ ഗുരുതരമായി പരിക്കേറ്റ പ്രതിയെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്. ആക്രമണത്തിൽ മനോഹരന്റെ തലയിൽ 22 സ്റ്റിച്ചാണ് ഉള്ളത്. സംഭവത്തിന് പിന്നാലെ ഒളിവിൽ പോയ പ്രതിയെ ചേപ്പാട് പാറമടയിൽ നിന്നും പിടികൂടുകയായിരുന്നു. പ്രായപൂർത്തിയാകാത്ത കുട്ടിയെ പീഡിപ്പിച്ച കേസിൽ ജയിലിലായിരുന്ന പ്രതി ഏതാനും ദിവസങ്ങൾക്ക് മുമ്പാണ് ജാമ്യത്തിലിറങ്ങിയത്.
