വാരഫലം: 2023 സപ്തംബര്‍ 10 മുതല്‍ 16 വരെ

മേടക്കൂറ്: അശ്വതി, ഭരണി, കാര്‍ത്തിക (1/4)
മന്ദഗതിയിലായിരിക്കുന്ന വ്യാപാര സ്ഥാപനം നല്ല രീതിയില്‍ നടക്കാന്‍ പ്രയത്‌നിക്കും. പാര്‍ട്ണര്‍ഷിപ്പ് പിരിയും. സന്താനത്തിന് അസുഖം വരും. ഭാര്യയുടെ സ്വത്ത് അനുഭവയോഗ്യമാകും. സുഹൃത്തുക്കളില്‍നിന്ന് സഹായം ലഭിക്കും. വാഹനാപകടത്തില്‍ ആശുപത്രി വാസം അനുഭവിക്കേണ്ടിവരാം.
ഇടവക്കൂറ്: കാര്‍ത്തിക (3/4), രോഹിണി, മകയിരം (1/2)
എല്ലാ കാര്യങ്ങളിലും വിജയമുണ്ടാകും. പുതിയ ജോലിയിലൊ ബിസിനസ്സിലൊ പ്രവേശിക്കും. കര്‍മസ്ഥാനത്ത് തസ്‌കര ശല്യമുണ്ടാകും. മനസ്സിന് അസ്വസ്ഥത വരും. വീട്ടില്‍ ചില മംഗള കാര്യങ്ങള്‍ നടക്കും. ഭാര്യയ്‌ക്ക് ചില്ലറ അസുഖങ്ങള്‍ വന്നുപ്പെടും. ചെയ്യാത്ത കാര്യങ്ങള്‍ക്ക് വിശദീകരണം നല്‍കേണ്ടതായി വരും.
മിഥുനക്കൂറ്: മകയിരം (1/2), തിരുവാതിര, പുണര്‍തം (3/4)
സാമ്പത്തികത്തില്‍ നേരിയ വര്‍ധന അനുഭവപ്പെടും. വിചാരിക്കാത്ത കേന്ദ്രങ്ങളില്‍നിന്ന് ശത്രുതയുണ്ടാകും. ജോലിയില്‍ സദാ വ്യാപൃതാകുമെങ്കിലും അഭിനന്ദനമോ അധികാരമോ ലഭിക്കുന്നതല്ല. മേലുദ്യോഗസ്ഥരില്‍നിന്ന് പ്രതികൂല നിലപാടുണ്ടാകാം. പുതിയ വാഹനം അധീനതയില്‍ വരും.
കര്‍ക്കടകക്കൂറ്: പുണര്‍തം (1/4), പൂയം, ആയില്യം
സാമ്പത്തിക കാര്യങ്ങളിലും കുടുംബകാര്യങ്ങളിലും വേണ്ടത്ര പുരോഗതി കാണില്ല. സര്‍ക്കാര്‍ ആനുകൂല്യങ്ങള്‍ തടഞ്ഞുവെച്ചേക്കും. പുതിയ ചില വ്യവസായങ്ങള്‍ തുടങ്ങാനിടവരും. ഭാര്യയുമായി അഭിപ്രായഭിന്നതകള്‍ ഉണ്ടാകും. പല ജോലികളിലും വേണ്ടത്ര മുന്നേറ്റമുണ്ടാകും.
ചിങ്ങക്കൂറ്. മകം, പൂരം, ഉത്രം (1/4)
യാത്രാ ക്ലേശം അനുഭവപ്പെടും. അധ്വാന ഭാരം കൂടും. പിതൃസ്വത്ത് ലഭിക്കും. രോഗികള്‍ക്ക് അസുഖം വര്‍ധിക്കും. മനോവിഷമം കൂടും. ഔഷധങ്ങള്‍ ഫലിച്ചെന്നു വരില്ല. ഭൂമിയുടെ വില്‍പ്പനയില്‍ പ്രതീക്ഷിക്കാത്ത വരുമാനം ലഭിക്കും. കമ്പ്യൂട്ടര്‍ രംഗത്ത് പ്രവര്‍ത്തിക്കുന്നവര്‍ക്ക് മെച്ചപ്പെട്ട ഉദ്യോഗം ലഭിക്കും.
കന്നിക്കൂറ്: ഉത്രം (3/4), അത്തം, ചിത്തിര (1/2)
ജീവിതരീതിയില്‍ മാറ്റം വരുത്തും. ശാരീരികമായി ക്ഷീണമനുഭവപ്പെടും. ഉന്നത വ്യക്തികളുടെയും സര്‍ക്കാര്‍ തലത്തിലുള്ളവരുടെയും സഹായമുണ്ടാകും. രാഷ്‌ട്രീയക്കാര്‍ക്ക് അനുകൂല സമയമാണ്. ധനാഗമമുണ്ടാകും. ദുര്‍വ്യയം വന്നുചേരും.
തുലാക്കൂറ്: ചിത്തിര (1/2), ചോതി, വിശാഖം (3/4)
വീട്ടില്‍ ചില മംഗള കാര്യങ്ങള്‍ നടക്കാനിടയുണ്ട്. സന്താനങ്ങളുടെ വിജയത്തില്‍ മനസ്സ് സന്തുഷ്ടമാകും. ഭാര്യ വീട്ടുകാരുമായി ചില തര്‍ക്കങ്ങള്‍ ഉയര്‍ന്നുവന്നേക്കാം. നേത്രരോഗം, ബ്ലഡ്പ്രഷര്‍ എന്നിവ പിടിപെട്ടേക്കും. വരുമാനത്തില്‍ കവിഞ്ഞ ചെലവുണ്ടാകും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
തൊഴില്‍ സ്ഥിതീകരണം ലഭിക്കും. ഭാര്യ മുഖേന സാമ്പത്തിക ലബ്ധിയുണ്ടാകും. പുതിയ വ്യാപാര ശ്രമങ്ങളിലേര്‍പ്പെടും. പരീക്ഷകളില്‍ ഉന്നത വിജയം കൈവരിക്കും. പുണ്യസ്ഥലങ്ങള്‍ സന്ദര്‍ശിക്കും. പൊതുവെ പലവിധ സൗകര്യങ്ങള്‍ അനുഭവിക്കാനിടയുണ്ട്.
ധനുക്കൂറ്: മൂലം, പൂരാടം, ഉത്രാടം (1/4)
വിനോദ കാര്യങ്ങള്‍ക്ക് അനാവശ്യമായി പണം ചെലവഴിക്കും. പു
തിയ ജോലിയില്‍ പ്രവേശിക്കും. വിദേശ വ്യാപാരത്തില്‍ നിന്നുള്ള വരുമാനം വര്‍ധിക്കും. കുടുംബത്തില്‍ സുഖവും സമാധാനവും നിലനില്‍ക്കും. വാക്കുകള്‍ ഉപയോഗിക്കുമ്പോള്‍ വളരെ സൂക്ഷിക്കേണ്ടതാണ്. കേസുകളിലും മറ്റും അനുകൂല വിജയമുണ്ടാകും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
സുഹൃത്തുക്കളില്‍നിന്ന് ചതിയില്‍ അകപ്പെടാതെ പ്രത്യേകം ശ്രദ്ധിക്കണം. സോഫ്റ്റ്‌വേര്‍, ഹാര്‍ഡ്‌വേര്‍ എന്നിവയുമായി ബന്ധപ്പെട്ടവര്‍ക്ക് അനുകൂലമാണ്. വായ്പകളും ആനുകൂല്യങ്ങളും എളുപ്പത്തില്‍ കിട്ടുമാറാകും. വീട്ടില്‍ പൂജാദി മംഗള കാര്യങ്ങള്‍ നടത്തും. സന്താനങ്ങളുടെ കാര്യം ആലോചിച്ച് മനസ്സ് വ്യാകുലപ്പെടും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
നഷ്ടപ്പെട്ടു എന്നു കരുതിയ വസ്തുക്കളോ പണമോ തിരികെ കിട്ടും. വ്യാപാരത്തില്‍ പുരോഗതിയുണ്ടാകും. യുവജനങ്ങളുടെ വിവാഹകാര്യം തീരുമാനമാകും. ഒന്നിലധികം കേന്ദ്രങ്ങളില്‍നിന്ന് സാമ്പത്തിക ലബ്ധിയുണ്ടാകും. സര്‍ക്കാരില്‍നിന്ന് സമ്മാനങ്ങളോ മറ്റോ ലഭിക്കാനിടയുണ്ട്.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
എഗ്രിമെന്റ് മുഖേന കിട്ടേണ്ട പണം കൈവശം വന്നുചേരും. ഏറ്റെടുത്ത പ്രവൃത്തികള്‍ നല്ല നിലയില്‍ നിര്‍വഹിക്കും. രോഗികള്‍ക്ക് ശാരീരികാരോഗ്യം തിരിച്ചു കിട്ടും. ബാങ്കുകളിലും മറ്റും ജോലി ചെയ്യുന്നവര്‍ക്ക് പ്രൊമോഷന്‍ ലഭിക്കും. വിദേശത്ത് വിനോദയാത്ര സംഘടിപ്പിച്ച് നടത്തും. രാഷ്‌ട്രീയ പ്രവര്‍ത്തകര്‍ക്ക് അനുകൂല സമയമാണ്.