അതിരപ്പിള്ളിയിൽ കാട്ടാന ആക്രമണം; വനം വകുപ്പ് വാച്ചർക്ക് ദാരുണാന്ത്യം

തൃശൂർ: അതിരപ്പിള്ളി വാഴച്ചാലിൽ കാട്ടാന ആക്രമണത്തിൽ വനംവകുപ്പ് വാച്ചർക്ക് ദാരുണാന്ത്യം. പെരിങ്ങൽ കുളത്ത് കോളനി നിവാസിയായ ഇരുമ്പൻ കുമാരൻ ആണ് കാട്ടാനയുടെ ആക്രമണത്തിൽ കൊല്ലപ്പെട്ടത്. ഇന്നലെ വൈകിട്ട് മൂന്ന് മണിയോടെയായിരുന്നു സംഭവം.

പച്ചിലക്കുളം കരടിപ്പാറ പ്രദേശത്ത് വെച്ചാണ് വാച്ചർക്ക് നേരെ ആക്രമണം ഉണ്ടായത്. കൊല്ലതിരുമേട് ഫോറസ്റ്റ് സ്‌റ്റേഷനിലെ വാച്ചറാണ് ഇരുമ്പൻ കുമാരൻ.