കൊച്ചി: ആഗസ്ത് 28ന് അമൃതാദേവി ബലിദാന ദിനം ദേശീയ പര്യാവരണ് ദിനമായി ആചരിക്കുന്നതിന്റെ ഭാഗമായി പരിസ്ഥിതി പ്രവര്ത്തനം നടത്തുന്നവര്ക്ക് ബിഎംഎസ് ഏര്പ്പെടുത്തിയ പ്രഥമ അമൃതാദേവി പുരസ്കാരം ടിആര് ആന്ഡ് ടി എസ്റ്റേറ്റിലെ സുനില് സുരേന്ദ്രന് ലഭിച്ചു.
25,001 രൂപയും പ്രശസ്തി പത്രവും ഫലകവുമടങ്ങുന്നതാണ് പുരസ്കാരമെന്ന് ബിഎംഎസ് നേതാക്കള് വാര്ത്താസമ്മേളനത്തില് അറിയിച്ചു. 11ന് എറണാകുളം ബിടിഎച്ച് ഹാളില് നടക്കുന്ന പുരസ്കാരദാന ചടങ്ങ് ജസ്റ്റിസ് എന്. നഗരേഷ് ഉദ്ഘാടനം ചെയ്യും. ബിഎംഎസ് സംസ്ഥാന പ്രസിഡന്റ് സി. ഉണ്ണികൃഷ്ണന് ഉണ്ണിത്താന് അധ്യക്ഷനാകും.
പ്രശസ്ത പരിസ്ഥിതി പ്രവര്ത്തകന് സി.എം. ജോയി പരിസ്ഥിതി സംരക്ഷണ സന്ദേശം നല്കും. സംസ്ഥാന പ്രസിഡന്റ് സി. ഉണ്ണികൃഷ്ണന് ഉണ്ണിത്താന്, ബിഎംഎസ് ദേശീയ സമിതി അംഗം എം.ബി. രാജീവന്, സിബി വര്ഗീസ്, ശ്യാംജിത്ത് എന്നിവര് വാര്ത്താസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: