കൊച്ചി : ആലുവ പീഡനക്കേസിലെ പ്രതിയെന്ന് കരുതുന്നയാള് പിടിയില്. തിരുവനന്തപുരം ചെങ്കല് സ്വദേശി ക്രിസ്റ്റലാണ് പിടിയിലായത്.
ആലുവ പാലത്തിനടിയില് നിന്നാണ് പ്രതിയെ പിടികൂടിയത്. മയക്കുകരുന്നിന് അടിമയാണെന്ന് ഇയാളുടെ മാതാവ് വെളിപ്പെടുത്തി.
പ്രതിയെന്നു സംശയിക്കുന്നയാളുടെ സിസിടിവി ദൃശ്യങ്ങള് പുറത്തുവന്നിരുന്നു. ഇതില്നിന്നാണ് പ്രതി തിരുവനന്തപുരം സ്വദേശിയാണെന്ന് സൂചന കിട്ടിയത്. ഇയാള് നേരത്തെയും പീഡനക്കേസില് പ്രതിയാണെന്ന വിവരവും പുറത്തുവന്നിരുന്നു.
ആലുവ ചാത്തന്പുറത്താണ് അതിഥി തൊഴിലാളികളുടെ മകളായ എട്ടു വയസുകാരി പീഡിപ്പിക്കപ്പെട്ടത്. ബിഹാര് സ്വദേശികളുടെ മകളെ ഉറക്കത്തിനിടെ തട്ടിക്കൊണ്ടുപോയി പീഡിപ്പിക്കുകയായിരുന്നു. പുലര്ച്ചെ രണ്ടു മണിയോടെയാണു സംഭവം. കുട്ടിയുടെ കരച്ചില് കേട്ട് നാട്ടുകാര് രക്ഷിച്ച് കളമശേരി മെഡിക്കല് കോളേജ് ആശുപത്രിയില് പ്രവേശിപ്പിക്കുകയായിരുന്നു.
ക്രിസ്റ്റല് സ്ഥിരം കുറ്റവാളിയാണെന്നും മോഷണക്കേസുള്പ്പെടെ ഇയാളുടെ പേരിലുണ്ടെന്നുമാണ് അറിയുന്നത്. ശിക്ഷ കഴിഞ്ഞ് വിയ്യൂര് ജയിലില് നിന്ന് പുറത്തിറങ്ങിയത് ഓഗസി്റ്റ് 10നാണ്.
