കിംഗ് ഖാന്റെ ജവാന് എന്ന ചിത്രം തിയേറ്ററുകളെ പ്രകമ്പനം കൊളളിക്കാന്‍ എത്തിക്കഴിഞ്ഞു. ആറ്റ്‌ലിയാണ് 300 കോടി രൂപ ചെലവിട്ട് നിര്‍മ്മിച്ച ചിത്രം സംവിധാനം ചെയ്തത്.
ചിത്രത്തില്‍ ഷാരുഖ് ഖാന്‍ കേന്ദ്ര കഥാപാത്രത്തില്‍ എത്തുമ്പോള്‍ നായികയായി എത്തുന്നത് തെന്നിന്ത്യയുടെ നയന്‍താരയാണ്. ചിത്രത്തില്‍ പ്രിയാമണിയും ദീപിക പദുക്കോണും, വിജയ് സേതുപതിയും അഭിനിയിക്കുന്നു.
ഷാരുഖ് ഖാന്‍ 100 കോടി രൂപ പ്രതിഫലം വാങ്ങിയെന്നാണ് പുറത്ത് വരുന്ന റിപ്പോര്‍ട്ടുകള്‍. കളക്ഷന്റെ 60 ശതമാനവും ഷാരുഖിന് ഇതിന് പുറമെ ലഭിക്കും.
വിജയ് സേതുപതി 21 കോടി രൂപയാണ് പ്രതിഫലം വാങ്ങിയത്. വിജയ് സേതുപതിയുടെ ആദ്യ ബോളിവുഡ് ചിത്രവുമാണ് ജവാന്. നയന്‍താരയുടെ ബോളിവുഡ് അരങ്ങേറ്റ ചിത്രത്തിന് വാങ്ങിയത് 10 കോടി രൂപയാണ്. പ്രിയാമണി വാങ്ങിയത് രണ്ട് കോടി രൂപ.
ദീപിക പദുക്കോണിന്റെ പ്രതിഫലം എത്രയെന്ന് വെളിപ്പെടുത്തിയിട്ടില്ല. സാധാരണയായി ഒരു ചിത്രത്തിനായി ദീപികയുടെ പ്രതിഫലം 15 മുതല്‍ 30 കോടി രൂപ വരെയാണ്.
പ്രതികരിക്കാൻ ഇവിടെ എഴുതുക: