മഹാനടന് മമ്മൂട്ടിയുടെ വലിയൊരു ആരാധകനായ ഗായകന് സജിത് ചന്ദ്രന് തന്റെ പ്രിയ നടന് മമ്മൂട്ടിയെ കുറിച്ച് ഒരു ഗാനം എഴുതി വെച്ച് 3 വര്ഷത്തെ കാത്തിരിപ്പിനോടുവില് സ്വന്തമായി തന്നെ സംഗീതവും ആലാപനവും നിര്വഹിച്ചു മമ്മൂട്ടിക്കുള്ള ജന്മദിന സമ്മാനമായി ‘സുവര്ണ മാണിക്യം’ എന്ന പേരില് എസ്.സി പ്രോഡക്ഷന്സിന്റെ യുട്യൂബ് ചാനലില് റിലീസ് ചെയ്തു. ഇതിനിടയില് ‘നാഗപഞ്ചമി’, ‘പൊന്നോണ പൂനിലാവ്’ എന്നീ മ്യൂസിക് വീഡിയോ ആല്ബങ്ങ ളില് പാടാനും അവസരം ലഭിച്ചു.
നാഗപഞ്ചമി മ്യൂസിക് വീഡിയോ ആല്ബത്തിലെ പാട്ടിന് സജിത് ചന്ദ്രന് മികച്ച ആല്ബം ഗായകനുള്ള എസ്.പി. പിള്ള അവാര്ഡ് ലഭിച്ചു. ‘മുത്താണെ… മുത്താണെ നമ്മുടെ സ്വന്തം മുത്താണേ… എന്ന് തുടങ്ങുന്ന മമ്മൂട്ടി യെ കുറിച്ചുള്ള ഗാനം മമ്മൂട്ടി എന്ന അഭിനയ പ്രതിഭയേയും അദ്ദേഹം സമൂഹത്തിന് വേണ്ടി നടത്തുന്ന പ്രവര്ത്തനങ്ങളേയും സാധാരണക്കാരനായ ഒരു ആരാധകന്റെ കാഴ്ചപാടില് ഊന്നി അവതരിപ്പിച്ചിരിക്കുന്നതാണ് ‘സുവര്ണ മാണിക്യം’ എന്ന ആല്ബത്തിലെ വരികള്.
ഗായകന് സജിത് ചന്ദ്രന്റെ വാക്കുകളില് പറഞ്ഞാല് ഒരു സാധാരണ സിനിമ പ്രേക്ഷകന് മമ്മൂട്ടി എന്ന പ്രിയപ്പെട്ട നടനെ കുറിച്ചുള്ള കാഴ്ചപാടാണ് തന്റെ ‘സുവര്ണ മാണിക്യം’ എന്ന പാട്ട്. ഒപ്പോ കമ്പനിയില് പ്രൊമോട്ടര് ആയി ജോലി ചെയ്യുന്ന സജിത് ചന്ദ്രന് കൊല്ലം, പരവൂര് സ്വദേശി ആണ്.
