തിരുവനന്തപുരം: ബാഗ് സതീശന്റെ ബാഗിനുള്ളിലെ കുഴിബോംബ് പൊട്ടിയാല് കണ്ണൂരിലെ രണ്ട് സിപിഎം സംസ്ഥാന നേതാക്കളുടേയും ചില ഉന്നത പോലീസ് ഉദ്യോഗസ്ഥരുടേയും തല ഉരുളുമെന്ന് ബിജെപി സംസ്ഥാന വൈസ് പ്രസിഡന്റ് അഡ്വ. ബി. ഗോപാലകൃഷ്ണന് പറഞ്ഞു.
കണ്ണൂരിലെ രണ്ട് സിപിഎം സംസ്ഥാന നേതാക്കളുടെ ബിനാമിയാണ് സതീശന്. സിപിഎം നേതാക്കള് വഴിയാണ് ഉന്നത പോലീസ് ഉദ്യോഗസ്ഥര് കള്ളപ്പണം വെളുപ്പിക്കാന് സതീശനെ ഏല്പ്പിച്ചിരുന്നത്. ഉയര്ന്ന പലിശ നിരക്കില് പണം പലിശക്ക് കൊടുത്തിരുന്ന സതീശന്റെ പണ കച്ചവടത്തിലെ യഥാര്ത്ഥ ഉടമകള് കണ്ണൂരിലെ രണ്ട് സംസ്ഥാന സിപിഎം നേതാക്കളും ഉന്നത പോലീസ് ഉദ്യോഗസ്ഥരുമാണ്.
സതീശന്റെ കത്തി പലിശയില് ഭൂമിയും സ്വത്തും നഷ്ടപ്പെട്ടവര് ധാരാളമാണ്. പോലീസ് സഹായത്തോടെയായിരുന്നു ഇടപാടുകള് നടത്തിയിരുന്നത്. പല ചോട്ട സിപിഎം നേതാക്കളുടെ രക്ഷകനായും കണ്ണൂര് ലോബി ബന്ധം ഉപയോഗിച്ച് സതീശല് മാറിയിരുന്നു. സതീശന്റെ വീട്ടില് വന്ന് പോയിരുന്ന നേതാക്കളെയാണ് ഇഡി ചോദ്യം ചെയ്യേണ്ടതെന്നും അദേഹം പറഞ്ഞു.
സിപിഎം സംസ്ഥാന നേതാക്കളുടെ കള്ളപ്പണം വെളുപ്പിക്കലിന്റെ ഏജന്റ് മാത്രമായ സതീശന്റെ അറസ്റ്റ് മഞ്ഞുമലയുടെ ഒരറ്റം മാത്രമാണ്. സതീശന്റെ ഫോണ് പരിശോധിച്ചാല് ഉന്നത സിപിഎം തിമിംഗലങ്ങളുടെ വിവരം പുറത്താകും. സതീശനുമായ ബന്ധപ്പെട്ട എല്ലാ ഇടപാടുകളുറിച്ചും സമഗ്ര അന്വേഷണം ഇഡി നടത്തണമെന്നും ബി. ഗോപാലകൃഷ്ണന് വ്യക്തമാക്കി.
