ബുഡാപെസ്റ്റ് : ലോക അത്‌ലറ്റിക് ചാമ്പ്യന്‍ഷിപ്പ് ഫൈനലില്‍ കടന്ന് നീരജ് ചോപ്രയ്‌ക്കൊപ്പം മറ്റ് ഇന്ത്യന്‍ താരങ്ങളായ ഡി.പി മനുവും കിഷോര്‍ ജെനയും. 88.77 മീറ്റര്‍ ദൂരം കണ്ടെത്തിയാണ് ഒന്നാമനായി നീരജ് ചോപ്ര ഫൈനലിലേക്ക് യോഗ്യത നേടിയത്്.
നീരജിന് ഒപ്പം മത്സരിച്ചു 81.31 മീറ്റര്‍ കണ്ടെത്തിയാണ് ഡി.പി മനു ഫൈനലില്‍ കടന്നത്. ഗ്രൂപ്പ് ബിയില്‍ മത്സരിച്ചു 80.55 മീറ്റര്‍ ദീരം കണ്ടെത്തിയാണ് കിഷോര്‍ ജെന ഫൈനലില്‍ കടന്നത്.
പാകിസ്ഥാന്റെ അര്‍ഷദ് നദീമും ഫൈനല്‍ ഉറപ്പിച്ചു. 2022 ഓഗസ്റ്റില്‍ 90 മീറ്റര്‍ താണ്ടിയ ശേഷം പരിക്കേറ്റു പുറത്തായ അര്‍ഷദ് നദീം ഒരു വര്‍ഷത്തിന് ശേഷമാണ് ട്രാക്കില്‍ തിരിച്ചു വന്നത്. യോഗ്യതയില്‍ 86.79 മീറ്റര്‍ എറിഞ്ഞു നീരജിന്റെ പിറകില്‍ രണ്ടാമത് ആയാണ് പാകിസ്ഥാന്‍ താരം ഫൈനല്‍ ഉറപ്പിച്ചത്.
