മാഡ്രിഡ് : ചുംബന വിവാദത്തില്‍ കുടുങ്ങിയ സ്പാനിഷ് ഫുട്‌ബോള്‍ മേധാവി ലൂയിസ് റൂബിയാലെസ് സ്ഥാനമൊഴിയും. വനിതാ ലോകകപ്പ് ഫൈനലിന് ശേഷം സ്‌പെയിന്‍ താരം ജെന്നിഫര്‍ ഹെര്‍മോസോയുടെ ചുണ്ടില്‍ ബലമായി ചുംബിച്ചതാണ് വിനയായത്. 46 കാരനായ ലൂയിസ് റൂബിയാലെസ് സ്പാനിഷ് ഫുട്‌ബോള്‍ ഫെഡറേഷന്റെ (ആര്‍എഫ്ഇഎഫ്) പ്രസിഡന്റ് സ്ഥാനം വെള്ളിയാഴ്ച രാജി വയ്‌ക്കുമെന്നാണ് സൂചന.
ഞായറാഴ്ച സിഡ്‌നിയില്‍ നടന്ന വനിതാ ലോകകപ്പ് ഫൈനലില്‍ ഇംഗ്ലണ്ടിനെ പരാജയപ്പെടുത്തി സ്‌പെയിന്‍ വിജയിച്ചിരുന്നു. വിജയാഘോഷത്തിനിടെയാണ് റൂബിയാലെസ് മിഡ്ഫീല്‍ഡര്‍ ജെന്നിഫര്‍ ഹെര്‍മോസോയുടെ അധരങ്ങളില്‍ ബലമായി ചുംബനം നല്‍കിയത്. വനിതാ താരത്തിന്റെ സ്വകാര്യ ഭാഗങ്ങളിലും ഇയാള്‍ സ്പര്‍ശിച്ചെന്നും ആരോപണമുണ്ട്. ഇത് വലിയ വിമര്‍ശനങ്ങള്‍ക്ക് കാരണമായിരുന്നു.
സ്‌പെയിന്‍ പ്രധാനമന്ത്രി പെഡ്രോ സാഞ്ചസും വിമര്‍ശനമുന്നയിച്ചിരുന്നു. സ്‌പെയിനിലെ വനിതാ ലീഗുകള്‍, പുരുഷ ലാ ലിഗ ക്ലബ്ബുകള്‍, രാജ്യാന്തര തലങ്ങളില്‍ നിന്നും വിമര്‍ശനമുയര്‍ന്നു. റൂബിയലസിനെതിരെ ഫിഫ അച്ചടക്ക നടപടികളും തുടങ്ങി.
പ്രതികരിക്കാൻ ഇവിടെ എഴുതുക: