തിരുവനന്തപുരം: ചേങ്കോട്ടുകോണം ശ്രീരാമദാസാശ്രമത്തില് ജ്യോതിക്ഷേത്ര സന്നിധിയില് ആചര്യവരണത്തോടെ ശ്രീലളിതാ മഹായാഗങ്ങള്ക്ക് തുടക്കമായി. ചേങ്കോട്ടുകോണം ശ്രീരാമദാസമിഷന് അദ്ധ്യക്ഷന് ബ്രഹ്മശ്രീ സ്വാമി ബ്രഹ്മപാദാനന്ദ സരസ്വതി തൃപ്പാദങ്ങളും മുംബൈ ശ്രീരാമദാസ ആശ്രമം അദ്ധ്യക്ഷന് ബ്രഹ്മശ്രീ സ്വാമി കൃഷ്ണാനന്ദ സരസ്വതി തൃപ്പാദങ്ങളുമാണ് മഹായാഗത്തിന്റെ രക്ഷാധികാരികള്.
ഇന്നു മുതല് 24 വരെയാണ് ശ്രീലളിതാ മഹായാഗം നടക്കുക. ശാസ്ത്രോക്തമായ താന്ത്രികയാഗങ്ങളില് അത്യന്തവിശിഷ്ടവും പ്രത്യക്ഷഫലദായകവുമായ ശ്രീലളിതാമഹായാഗത്തില് ശ്രീലളിതാപരമേശ്വരിയേയും പരിവാരദേവതകളേയും സാവരണമായി ‘മഹായാഗക്രമ’ത്തില് അഗ്നിമുഖമായും അല്ലാതെയും ആരാധിക്കുകയാണ്.
പരമാനന്ദ തന്ത്രം, മഹായാഗക്രമവിധി, ഭാവനോപനിഷത്ത് (ബാഹ്യക്രമപദ്ധതി) തുടങ്ങിയ പ്രാമാണിക ഗ്രന്ഥങ്ങള്ക്ക് അനുസൃതമായും എന്നാല് കേരളീയസമ്പ്രദായത്തെ പിന്പറ്റിയും ഉപാസകരും പ്രാമാണികരു മായ ബ്രഹ്മശ്രീ എഴുന്തോലില്മഠം സതീശന് ഭട്ടതിരി, ബ്രഹ്മശ്രീ അനിരുദ്ധന് അടുക്കത്തായര് എന്നിവരുടെ നേതൃത്വത്തിലുള്ള സംഘമാണ് നിര്വഹിക്കുന്നത്.
കേരളത്തിലങ്ങോളമിങ്ങോളമുള്ള ദേവീഭക്തരുടെ സാന്നിദ്ധ്യം ഉറപ്പിക്കുംവിധമുള്ള തയ്യാറെടുപ്പുകള് നടന്നുകൊണ്ടിരിക്കുന്ന ഈ സന്ദര്ഭത്തില് സമൂഹത്തിന്റെ നാനാതുറയിലുമുള്ള വിശിഷ്ടവ്യക്തിത്വങ്ങളും ശ്രദ്ധേയരായ ആചാര്യന്മാരും ആത്മീയകുതുകികളും പങ്കെടുക്കുന്നു. ഈ കാലഘട്ടത്തിലെ ഏറ്റവും ശ്രദ്ധേയവും വലിയതുമായ യാഗമെന്ന രീതിയില് ആസൂത്രണം ചെയ്തിരിക്കുന്ന ഈ യാഗത്തിന് വിപുലമായ സജ്ജീകരണങ്ങള് ആണ് ഒരുക്കിയിരിക്കുന്നത്.
https://www.facebook.com/jijesh.hai/posts/7344144332357585
