പത്തനംത്തിട്ട: പുളിക്കീഴില് ഗര്ഭിണിയായ യുവതിയെ വീട്ടില് അതിക്രമിച്ചു കയറി പീഡിപ്പിച്ച ഡിവൈഎഫ്ഐ നേതാവ് അറസ്റ്റില്. 19 വയസ്സുകാരിയെയാണ് ഡിവൈഎഫ്ഐയുടെ വൈക്കത്തില്ലം യൂണിറ്റ് പ്രസിഡന്റായ വാഴപ്പറമ്പില് ശ്യാം കുമാര് (29) പീഡിപ്പിച്ചത്.
ഇന്നലെ പുലര്ച്ചെ മൂന്നു മണിയോടെയാണ് സംഭവം. ഭര്ത്താവ് വീട്ടിലില്ലാതിരുന്ന സമയത്ത് അതിക്രമിച്ചു കടന്ന ശ്യാംകുമാര് പീഡിപ്പിക്കുകയായിരുന്നു എന്നാണ് പട്ടികജാതി വിഭാഗത്തില്പ്പെട്ട യുവതി നല്കിയ മൊഴി. ഇയാള്ക്കെതിരെ പുളിക്കീഴ് പോലീസ് കേസെടുത്ത് അറസ്റ്റു ചെയ്തു.
യുവതി പരാതി നല്കിയതറിഞ്ഞ് ഒളിവില്പ്പോയ പ്രതിയെ പുലര്ച്ചയോടെ പിടികൂടുകയായിരുന്നു. ഇയാളെ കോടതിയില് ഹാജരാക്കുമെന്ന് സിഐ ഇ.അജീബ് പറഞ്ഞു.
