തൃശൂര്: തൃശൂര് കേന്ദ്രമായി പ്രവര്ത്തിക്കുന്ന സൗത്തിന്ത്യന് ബാങ്കിന്റെ എംഡിയും സിഇഒയുമായി പരിചയസമ്പന്നനായ പി.ആര്. ശേഷാദ്രി എത്തും. കരൂര് വൈശ്യ ബാങ്ക് ഉള്പ്പെടെ പല ബാങ്കിംഗ് സ്ഥാപനങ്ങളിലും ജോലി ചെയ്ത് നേടിയ അനുഭവ സമ്പത്തിന്റെ കരുത്തുമായാണ് ശേഷാദ്രി എത്തുന്നത്.
പുതിയ എംഡിയെ കണ്ടെത്താന് സെര്ച്ച് കമ്മിറ്റി നല്കിയ പേര് റിസര്വ്വ് ബാങ്ക് അംഗീകരിക്കുകയായിരുന്നു. ഒക്ടോബര് ഒന്നിന് ശേഷാദ്രി എംഡി കസേരയില് ഇരിയ്ക്കും. മൂന്ന് വര്ഷത്തേക്കാണ് നിയമനം.
ഇനി ഓഹരി ഉടമകളുടെ പൊതുയോഗവും ബാങ്കിന്റെ ഡയറക്ടjj ബോര്ഡും ഈ നിയമനം അംഗീകരിക്കണമെന്ന സാങ്കേതികത്വം കൂടിയുണ്ട്.
ഇപ്പോള് എംഡിയായി തുടരുന്ന മുരളിരാമകൃഷ്ണന് മൂന്ന് വര്ഷത്തെ സേവനത്തിന് ശേഷം സെപ്തംബര് 30ന് വിരമിക്കും. ഇദ്ദേഹത്തിന് കാലാവധി നീട്ടി നല്കാന് ബാങ്ക് തയ്യാറായിരുന്നെങ്കിലും മുരളി രാമകൃഷ്ണന് ഒഴിവാകുകയായിരുന്നു.
