മുസ്ലിം വോട്ടര്‍മാരുടെ വോട്ടുനേടി ജയിച്ച ബിജെപി എംപി അരവിന്ദ് ധര്‍മ്മപുരി പറയുന്നു:”എല്ലാ മുസ്ലിങ്ങളും സ്ത്രീകളും ഏക സിവില്‍ കോഡ് നടപ്പാക്കാന്‍ കാത്തിരിക്കുന്നു”

ഹൈദരാബാദ് :രാജ്യത്തെ മുഴുവന്‍ മുസ്ലിങ്ങളും സ്ത്രീകളും ഏക സിവില്‍ കോഡ് നടപ്പാക്കുന്നതിന് കാത്തിരിക്കുകയാണെന്ന് ബിജെപി എംപി അരവിന്ദ് ധര്‍മ്മപുരി.

കോണ്‍ഗ്രസ് മുസ്ലിങ്ങളെ വോട്ട് ബാങ്കായാണ് കാണുന്നത്. തെലുങ്കാനയിലെ ബിആര്‍എസ് പാര്‍ട്ടിയ്‌ക്കും മുസ്ലിങ്ങള്‍ വോട്ട് ബാങ്കാണ്. അവര്‍ പ്രീണന രാഷ്‌ട്രീയമാണ് നടത്തുന്നത്. എന്നാല്‍ മുസ്ലിങ്ങളെ സാമൂഹികമായി ഉയര്‍ത്തുകയാണ് ബിജെപി.- അരവിന്ദ് ധര്‍മ്മപുരി പറഞ്ഞു.

മുസ്ലിങ്ങളും സ്ത്രീകളും ഇപ്പോള്‍ ബിജെപിയ്‌ക്കാണ് വോട്ട് ചെയ്യുന്നത്.- അദ്ദേഹം പറഞ്ഞു. തെലുങ്കാനയിലെ നിസാമബാദ് ലോക് സഭാ മണ്ഡലത്തില്‍ നിന്നും തെരഞ്ഞെടുക്കപ്പെട്ട ബിജെപി എംപിയാണ് അരവിന്ദ് ധര്‍മ്മപുരി. ഇവിടെ നല്ലൊരു പങ്ക് മുസ്ലിം വോട്ടര്‍മാരാണ്. എന്നാല്‍ പരമ്പരാഗതമായി അരവിന്ദ് ധര്‍മ്മപുരിയുടെ കുടുംബവുമായി മുസ്ലിം കുടുംബങ്ങള്‍ക്ക് അടുത്ത ബന്ധമാണ്. മുസ്ലിം വോട്ടര്‍മാരുടെ വോട്ടും അരവിന്ദ് ധര്‍മ്മപുരിയുടെ വിജയത്തില്‍ നിര്‍ണ്ണായകമായിരുന്നു.