തൃശൂർ: വിനായക ചതുര്ത്ഥി ആഘോഷങ്ങള് നടക്കാനിരിക്കെ വീണ്ടും സാമൂഹ്യസംഘര്ഷം ഉണര്ത്താന് ചാവക്കാട് സാമൂഹ്യദ്രോഹികളുടെ നീക്കം. ചാവക്കാട് പിള്ളേരിക്കൽ ശിവക്ഷേത്രത്തിൽ പോത്തിന്റെ തല കൊണ്ടുവെച്ചതാണ് സംശയം ജനിപ്പിക്കുന്നത്. ക്ഷേത്രമതിലിലാണ് പോത്തിന്റെ തല കൊണ്ടുവെച്ചിരിക്കുന്നത്.
വർഗീയ സംഘർഷങ്ങളുടെ ചരിത്രമുള്ള സ്ഥലമായതിനാല് ഉടന് പൊലീസ് സ്ഥലത്തെത്തി പരിശോധന നടത്തി. വർഷങ്ങളായി പിള്ളേരിക്കൽ കുടുംബം ആരാധന നടത്തിവരുന്ന ശിവക്ഷേത്രത്തിലാണ് സംഭവമുണ്ടായത്.
ഇന്ന് രാവിലെയാണ് ഇക്കാര്യം നാട്ടുകാരുടെ ശ്രദ്ധയിൽപ്പെട്ടത്. ക്ഷേത്രത്തിന്റെ ഉടമസ്ഥാവകാശമുള്ള പിള്ളേരിക്കൽ കുടുംബത്തിലെ നാല് പേര് 2005ൽ ക്രൂരമായി കൊലചെയ്യപ്പെട്ടിരുന്നു. വര്ഗ്ഗീയ സംഘര്ഷത്തിന്റെ ഭാഗമായാണ് ഈ കൊലപാതകം നടന്നത് അതിനുശേഷം സംരക്ഷിച്ചു പോന്നിരുന്ന ക്ഷേത്രത്തിലാണ് സംഭവമുണ്ടായത്. പ്രദേശത്ത് വരും ദിവസങ്ങളിൽ ഗണേശോത്സവം ഉൾപ്പെടെ സംഘടിപ്പിക്കാൻ ഹൈന്ദവ വിശ്വാസികൾ തയ്യാറെടുക്കുകയാണ്. അതിനിടയിലാണ് സാമൂഹ്യാന്തരീക്ഷം കലുഷിതമാക്കാനുള്ള ഈ നീക്കം.
പ്രതിഷേധത്തെ തുടർന്ന് എസിപി ഉൾപ്പെടെയുള്ളവർ സ്ഥലത്തെത്തി പരിശോധന നടത്തി. പ്രതിക്കായുള്ള അന്വേഷണം തുടരുകയാണെന്ന് പോലീസ് അറിയിച്ചു.
