കാസര്കോട്: സ്വാതന്ത്ര്യാനന്തര ഭാരതത്തില് കര്ഷകര് ഏറെ സന്തുഷ്ടരായത് നരേന്ദ്ര മോദി സര്ക്കാരിന്റെ കാലത്താണെന്ന് ബിജെപി സംസ്ഥാന ജനറല് സെക്രട്ടറി എം.ടി. രമേശ്. കര്ഷക മോര്ച്ചയുടെ നേതൃത്വത്തില് നടക്കുന്ന ബിജെപി മെമ്പര്ഷിപ്പ് ക്യാമ്പയിനിന്റെ സംസ്ഥാനതല ഉദ്ഘാടനം ബദിയഡുക്കയില് നിര്വഹിക്കുകയായിരുന്നു അദ്ദേഹം.
ഇറക്കുമതി രാജ്യമായിരുന്ന ഭാരതം ഇന്ന് കയറ്റുമതി ചെയ്യുന്ന രാജ്യമായി മാറിക്കഴിഞ്ഞുവെന്നും അദ്ദേഹം കൂട്ടിച്ചേര്ത്തു. ജില്ലാ പ്രസിഡന്റ് രവീശതന്ത്രി കുണ്ടാര് അധ്യക്ഷനായി. ജില്ലാ ജന. സെക്രട്ടറി വിജയകുമാര് റൈ, വൈസ് പ്രസിഡന്റ് സുധാമ ഗോസാഡ തുടങ്ങിയവര് പ്രസംഗിച്ചു. കര്ഷക മോര്ച്ച ജില്ലാ പ്രസിഡന്റ് ബളാല് കുഞ്ഞിക്കണ്ണന് സ്വാഗതവും ജന. സെക്രട്ടറി ചന്തു മാസ്റ്റര് നന്ദിയും പറഞ്ഞു.
