കൊല്ലം : ഭാര്യയെ കഴുത്തറുത്ത് കൊലപ്പെടുത്താന് ശ്രമിച്ച യുവാവ് അറസ്റ്റില്. പത്തനാപുരത്താണ് സംഭവം. ഭര്ത്താവ് ഗണേശനെ നാട്ടുകാര് പിടികൂടി പൊലീസില് ഏല്പ്പിക്കുകയായിരുന്നു
ഗുരുതര പരിക്കേറ്റ പത്തനാപുരം കടശേരി സ്വദേശി രേവതിയെ സ്വകാര്യ ആശുപത്രിയിലാണ്. ഇവരുടെ വിവാഹം ഒന്പത് മാസം മുമ്പായിരുന്നു. ദാമ്പത്യപ്രശ്നങ്ങളെ തുടര്ന്ന് മൂന്ന് മാസമായി ഇവര് അകന്നു കഴിയുകയായിരുന്നു.ഗണേശന് മലപ്പുറം സ്വദേശിയാണ് .
ഭാര്യയെ കാണാനില്ലെന്ന് കാട്ടി ഗണേശന്പത്തനാപുരം പൊലീസില് പരാതി നല്കിയിരുന്നു. ഇതിന്റെ അടിസ്ഥാനത്തില് ഇരുവരോടും സ്റ്റേഷനില് ഹാജരാകാന് പൊലീസ് ആവശ്യപ്പെട്ടിരുന്നു..
എന്നാല്, ഗണേശിനൊപ്പം താമസിക്കാനില്ലെന്ന് യുവതി പൊലീസിനെ അറിയിച്ചു. സ്റ്റേഷനില് നിന്ന് മടങ്ങവെ ഗണേശന് പിന്നിലൂടെയെത്തി യുവതിയുടെ കഴുത്തറുക്കാന് ശ്രമിക്കുകയായിരുന്നു.
