തിരുവനന്തപുരം: മുഖ്യമന്ത്രി പിണറായി വിജയന്റെ മകള്‍ ടി.വീണ സ്വകാര്യ കരിമണല്‍ കമ്പനിയില്‍നിന്നു മാസപ്പടി കൈപ്പറ്റിയ സംഭവത്തില്‍ മാധ്യമ പ്രവര്‍ത്തകരുടെ ചോദ്യങ്ങളില്‍നിന്ന് ഒഴിഞ്ഞുമാറി വീണയുടെ ഭര്‍ത്താവും മന്ത്രിയുമായി പി.എ.മുഹമ്മദ് റിയാസ്. സിപിഎം സംസ്ഥാന സെക്രട്ടേറിയറ്റും സംസ്ഥാന സെക്രട്ടറിയും ഇതു സംബന്ധിച്ച നിലപാടു വ്യക്തമാക്കിയതാണെന്നും എത്ര ആവര്‍ത്തിച്ചു ചോദിച്ചാലും ഇതു തന്നെയാണു പറയാനുള്ളതെന്നും റിയാസ് പറഞ്ഞു.
മാസപ്പടി വിവാദത്തില്‍ ദൃശ്യമാധ്യമ ചര്‍ച്ചകളുടെ പ്രെമോ കൊടുക്കുമ്പോള്‍ തന്റെ ചിരിക്കുന്ന മുഖമാണു നല്‍കുന്നതെന്നും പേടിച്ച മുഖം നല്‍കാന്‍ പോസ് ചെയ്തു നല്‍കാമെന്നും റിയാസ്. കണ്മൂരില്‍ സ്വാതന്ത്ര്യ ദിനാഘോഷ ചടങ്ങില്‍ പതാക ഉയര്‍ത്തി സല്യൂട്ട് സ്വീകരിച്ചശേഷം മാധ്യമ പ്രവര്‍ത്തകരുടെ ചോദ്യങ്ങളോടു പ്രതികരിക്കുകയായിരുന്നു മുഹമ്മദ് റിയാസ്. ഇപ്പോഴും സ്വാതന്ത്ര്യം ഇല്ലാത്ത വിഭാഗമാണു മാധ്യമ പ്രവര്‍ത്തകര്‍. ഉടമകളുടെ രാഷ്‌ട്രീയ താല്‍പര്യമാണ് അവരെ നയിക്കുന്നതെന്നും റിയാസ്.
പ്രതികരിക്കാൻ ഇവിടെ എഴുതുക: