പാരീസ്: പിഎസ്ജിയുടെ സൂപ്പര്താരം ബ്രസീലിന്റെ നെയ്മര് സൗദിയിലേക്ക്. സൗദി പ്രോലീഗ് ക്ലബ്ബായ അല് ഹിലാലിലേക്കാണ് കൂടുമാറ്റം. സൗദി ക്ലബ് അധികൃതരുടെ കരാര് പിഎസ്ജി സ്വീകരിച്ചതായി ബ്രസീലിലെ മാധ്യമം റിപ്പോര്ട്ട് ചെയ്തു. രണ്ടു വര്ഷത്തെ കരാറിലാണ് ഒപ്പിടുക. ഏകദേശം നൂറ് ദശലക്ഷം ഡോളറിന്റെ കരാറാണെന്നാണ് സൂചന.
2017-ല് ലോക റിക്കോര്ഡ് തുകയായിരുന്ന 222 ദശലക്ഷം ഡോളറിനാണ് നെയ്മര് പിഎസ്ജിയിലെത്തിയിരുന്നത്. അവര്ക്കായി ഇതുവരെ 112 മത്സരങ്ങളില്നിന്നായി 82 ഗോളുകള് നെയ്മര് സ്കോര് ചെയ്തു. നേരത്തേ പിഎസ്ജി താരമായിരുന്ന അര്ജന്റീനയുടെ ഇതിഹാസതാരം മെസി അമേരിക്കന് ക്ലബ്ബായ ഇന്റര്മയാമിയിലേക്ക് മാറിയിരുന്നു. കിലിയന് എംബാപ്പെയും ക്ലബ്ബ് വിടാനുള്ള ഒരുക്കത്തിലാണ്. കഴിഞ്ഞ മാസം 300 മില്യണ് യൂറോയുടെ ഓഫര് ക്ലബ്ബ് പിഎസ്ജിയുടെ കിലിയന് എംബാപ്പെയ്ക്ക് മുന്നില് വെച്ചിരുന്നു.
