ചെങ്ങന്നൂര്‍: ചെറിയനാട് നിവാസിയായ വൃദ്ധയുടെ മരണത്തില്‍ ദുരൂഹത ആരോപിച്ച് നാട്ടുകാര്‍ രംഗത്തെത്തി. ചെറുവല്ലൂര്‍ ഉണ്ണിണിയയ്യത്ത് സരസ്വതി അമ്മാള്‍ (81)ആണ് മരിച്ചത്. ഇവരെ രാവിലെ എട്ടോടെ കുടുംബവീട്ടില്‍ ഒപ്പം താമസിക്കുന്ന മകളും ഭര്‍ത്താവും ചേര്‍ന്ന് മര്‍ദിക്കുന്നതും വലിച്ചിഴച്ച് വീട്ടിലേക്ക് കൊണ്ടുപോകുന്നതും സമീപവാസികള്‍ കണ്ടിരുന്നു. ഉച്ചകഴിഞ്ഞ് രണ്ട് മണിയായപ്പോള്‍ വീട്ടുമുറ്റത്ത് ടാര്‍പാളിന്‍ കെട്ടുന്നതാണ് കാണുന്നത്. തിരക്കിചെന്നപ്പോള്‍ വൃദ്ധ മരിച്ചതായാണ് വീട്ടുകാര്‍ പറഞ്ഞത്.
സംഭവത്തിന് പിന്നില്‍ ദുരൂഹത ആരോപിച്ച് നാട്ടുകാര്‍ രംഗത്ത് വന്നതോടെ മൃതദേഹം മോര്‍ച്ചറിയിലേക്ക് മാറ്റി. സ്ഥലത്തെ സിപിഎം നേതാക്കള്‍ ആരോപണവിധേയര്‍ക്കായി രംഗത്ത് വന്നതോടെ നാട്ടുകാര്‍ പ്രതിഷേധം ശക്തമാക്കി. മാസങ്ങള്‍ക്ക് മുമ്പ് വൃദ്ധയെ ഒപ്പം താമസിക്കുന്ന മകളും മറ്റും ഉപദ്രവിക്കുന്നതായി മറ്റൊരു മകള്‍ പരാതിപ്പെട്ടിരുന്നു. ഇക്കാര്യങ്ങളെല്ലാം പരിഗണിച്ച് ശക്തമായ അന്വേഷണം നടത്തി ദുരൂഹ നീക്കണമെന്നാണ് നാട്ടുകാരുടെ ആവശ്യം. വെണ്‍മണി പോലീസ് കേസെടുത്ത് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: