ചണ്ഢീഗഡ്: ഹരിയാനയിലെ നൂഹില്‍ അക്രമികള്‍ കല്ലെറിയാന്‍ ഒളിത്താവളമായി ഉപയോഗിച്ച ഹോട്ടല്‍ തന്നെ ബുള്ഡോസര് ഉപയോഗിച്ച് ഇടിച്ച് നിരത്തി ഹരിയാനയിലെ ബിജെപി സര്‍ക്കാര്‍. സഹാറ ഹോട്ടല്‍ ആണ് ഇടിച്ച് നിരത്തിയത്.
സാഗര്‍ ഹോട്ടല്‍ പൊളിച്ചുനീക്കുന്നതിന്റെ വീഡിയോ:
അനധികൃതമായി സര്‍ക്കാര്‍ ഭൂമിയില്‍ കെട്ടിയുയര്‍ത്തിയതാണ് ഈ ഹോട്ടല്‍. കുറച്ചുനാളായി നോട്ടീസ് നല്‍കിവരികയായിരുന്നു. ഇന്ന് ഹോട്ടലിനെതിരെ നടപടിയെടുത്തുവെന്ന് ചീഫ് ടൗണ്‍ പ്ലാനര്‍ വിനീഷ് കുമാര്‍ പറഞ്ഞു. ഈ ഹോട്ടലിന് മുകളില്‍ നിന്നും നേരത്തെ ശേഖരിച്ച കല്ലുകള്‍ ഉപയോഗിച്ച് ഹിന്ദു ഘോഷയാത്രയ്‌ക്ക് നേരെ അക്രമികള്‍ തുരുതുരാ കല്ലുകള്‍ എറിയുകയായിരുന്നു.
നേരത്തെ കല്ലെറിഞ്ഞതിന്റെ പേരില്‍ അറസ്റ്റിലായ 25 പേരുടെ വീടുകള്‍ ഇടിച്ചുനിരത്തിയിരുന്നു. ഈ വീടുകളെല്ലാം സര്‍ക്കാര്‍ ഭൂമി കയ്യേറി ഉയര്‍ത്തിയ കോളനികളിലാണ്.
കനത്ത പൊലീസ് സുരക്ഷയോട് കൂടിയാണ് ഹോട്ടല്‍ പൊളിച്ചത്. അക്രമികളുടേതായ 20 മെഡിക്കല്‍ ഷോപ്പുകളും ചില കടകളും കൂടി സര്‍ക്കാര്‍ പൊളിച്ച് നീക്കിയിരുന്നു. മുഖം നോക്കാതെയാണ് അക്രമികള്‍ക്ക് എതിരെ സര്‍ക്കാര്‍ നടപടിയെടുക്കുന്നത്. ഉടമസ്ഥര്‍ അക്രമത്തില്‍ പങ്കെടുത്തിരുന്നു എന്ന വ്യക്തമായ ധാരണയോടെയാണ് പൊളിച്ചുനീക്കല്‍ നടപടി.
പ്രതികരിക്കാൻ ഇവിടെ എഴുതുക: