തിരുവനന്തപുരം: പാറശാലയ്ക്ക് സമീപം കുന്നത്തുകാലില് അഞ്ചുവയസുകാരിയെ ലൈംഗികമായി പീഡിപ്പിച്ചതിന് സിപിഐ നേതാവിനെ പുറത്താക്കി.രക്ഷിതാക്കള് പരാതി നല്കാതിരിക്കാന് മധ്യസ്ഥത വഹിച്ച സിപിഐ ഏരിയ കമ്മിറ്റി അംഗത്തെയും പുറത്താക്കി.
വെള്ളറട ഏരിയ കമ്മിറ്റി അംഗവും പെരുങ്കടവിള ബ്ലോക്ക് പഞ്ചായത്ത് അംഗവുമായ വിനോദിനെതിരെയാണ് നടപടി.കേസിലെ പ്രതി ഒളിവിലുളള വിശ്വംഭരനില് നിന്ന് വിനോദ് പണം കൈപ്പറ്റിയെന്നും ആരോപണമുണ്ട്.
അതേസമയം മാറനല്ലൂരിലെ ആസിഡ് ആക്രമണവും ആത്മഹത്യയും സൃഷ്ടിച്ച വിവാദങ്ങള് കത്തിപ്പടരവെ ആരോപണ വിധേയനായ സിപിഐ തിരുവനന്തപുരം ജില്ലാ എക്സിക്യുട്ടീവ് അംഗവും മില്മ തിരുവനന്തപുരം മേഖല യൂണിയന് അഡ്മിനിസ്ട്രേറ്ററുമായ എന്.ഭാസുരാംഗനെ പാര്ട്ടി ജില്ലാ എക്സിക്യൂട്ടീവില് നിന്നും കൗണ്സിലില് നിന്നും പുറത്താക്കിയിരുന്നു.ഭാസുരാംഗന്റെ പ്രവര്ത്തനങ്ങള് പാര്ട്ടിക്ക് അവമതിപ്പുണ്ടാക്കിയെന്ന് കണ്ടതിനെത്തുടര്ന്നാണു ജില്ലാ എക്സിക്യൂട്ടീവിന്റെ നടപടി.
