വടവാതൂര്‍: ദേശീയ പാത 183ല്‍ വടവാതൂര്‍ മാധവന്‍പടിക്ക് സമീപം ബൈക്കും ബസും കൂട്ടിയിടിച്ച് യുവാവ് മരിച്ചു. മീനടം പാടത്ത് പറമ്പില്‍ ജോയിയുടെയും പരേതയായ കുഞ്ഞുമോളുടെയും മകന്‍ ഷിന്റോ ചെറിയാന്‍ (27) ആണ് മരിച്ചത്. വെള്ളിയാഴ്ച ഉച്ചയ്‌ക്ക് 1.30ഓടെയാണ് അപകടം.
കോട്ടയത്ത് നിന്ന് മുണ്ടക്കയത്തിന് പോയ സ്വകാര്യ ബസും എതിര്‍ ദിശയിലെത്തിയ ബൈക്കും കൂട്ടിയിടിക്കുകയായിരുന്നു. ബൈക്ക് ബസിന്റെ അടിയിലേക്ക് ഇടിച്ചുകയറി. നാട്ടുകാര്‍ പരിക്കേറ്റ ഷിന്റോയെ സമീപത്തെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. കോട്ടയം ഈസ്റ്റ് പോലീസും മണര്‍കാട് പോലീസും സ്ഥലത്തെത്തിയിരുന്നു.ഷിന്റോയുടെ സംസ്‌കാരം ശനിയാഴ്ച മൂന്നിന് മീനടം സെന്റ് തോമസ് ഓര്‍ത്തഡോക്‌സ് വലിയപള്ളി സെമിത്തേരിയില്‍. സഹോദരന്‍: ഷിജോ ചെറിയാന്‍.
പ്രതികരിക്കാൻ ഇവിടെ എഴുതുക: