ഛണ്ഡീഗഢ്: ഗുരുഗ്രാം പൊലീസ് ക്രമസമാധാനപാലത്തിനിടയില് ഒരു സമുദായത്തിനെതിരെ പ്രവര്ത്തിക്കുന്നു എന്ന് സമൂഹമാധ്യമങ്ങളില് വ്യാജപ്രചാരണം. ആളുകളെ പള്ളിയില് വെള്ളിയാഴ്ച പ്രാര്ത്ഥനയ്ക്ക് പോകാന് അനുവദിക്കുന്നില്ലെന്നായിരുന്നു പരാമര്ശം. ഇത്തരം വാര്ത്തകള് തെറ്റാണെന്ന് ഹരിയാന എസിപി (ക്രൈം) വരുണ് കുമാര് ദാഹിയ.
വാര്ത്താസമ്മേളനത്തിലാണ് അദ്ദേഹം ഈ തെറ്റിദ്ധാരണ നീക്കിയത്. ഇത്തരം വിവരങ്ങള് പ്രചരിപ്പിക്കുന്നവരെ ഞങ്ങള് തള്ളിക്കളയുന്നുവെന്നും അദ്ദേഹം പറഞ്ഞു.
സുരക്ഷാസജ്ജീകരണങ്ങള് ശരിയാണെന്ന് ഉറപ്പുവരുത്തുകയാണ് ഗുരുഗ്രാം പൊലീസ് ചെയ്യുന്നത്. ആരും പള്ളിയിലേക്ക് പോകുന്നത് ഞങ്ങള് തടഞ്ഞിട്ടില്ല. – അദ്ദേഹം വ്യക്തമാക്കി.
ഹരിയാനയിലെ നൂഹ് ജില്ലയില് മേവാതില് നടന്ന കലാപം പിന്നീട് ഗുരുഗ്രാമിലേക്ക് പടര്ന്നിരുന്നു. എന്നാല് ഇതിനെതിരെ ശക്തമായ നടപടി എടുത്ത ഗുരുഗ്രാം പൊലീസ് അക്രമം അടിച്ചമര്ത്തിയിരുന്നു.
