പ്രസവിച്ച് കിടന്ന യുവതിയെ കൊലപ്പെടുത്താന്‍ ശ്രമം; മരുന്നു കുത്തിവച്ച് കൊലപാതകത്തിന് ശ്രമിച്ചത് നഴ്‌സിന്റെ വേഷത്തിലെത്തിയ ഭര്‍ത്താവിന്റെ സുഹൃത്ത്

പത്തനംതിട്ട : സ്വകാര്യ ആശുപത്രിയില്‍ പ്രസവിച്ച് കിടന്ന യുവതിയെ കൊലപ്പെടുത്താന്‍ ശ്രമം. പരുമലയിലാണ് സംഭവം.

നഴ്സിന്റെ വേഷത്തിലെത്തിയ സ്ത്രീ യുവതിയെ മരുന്ന് കുത്തിവെച്ച് കൊലപ്പെടുത്താന്‍ ശ്രമിക്കുകയായിരുന്നു. കൊലപ്പെടുത്താന്‍ ശ്രമിച്ച കായംകുളം സ്വദേശിനി പിടിയിലായി.കരിയിലകുളങ്ങര സ്വദേശിനിക്ക് നേരെയാണ് ആക്രമണം ഉണ്ടായത്.

പ്രസവിച്ച് കിടന്ന യുവതിയുടെ ഭര്‍ത്താവിന്റെ സുഹൃത്താണ് പിടിയിലായ സ്ത്രീയെന്നാണ് പൊലീസ് നല്‍കുന്ന വിവരം.കായംകുളം പുല്ലുകുളങ്ങര സ്വദേശിനി അനുഷയാണ് പിടിയിലായത്.

പ്രസവത്തിനായി നാല്  ദിവസം മുന്‍പ് ആശുപത്രിയില്‍ എത്തിയ യുവതിക്ക് നേരെയാണ് ആക്രമണമുണ്ടായത്.