സിഡ്നി: ഓസ്ട്രേലിയന് ഓപ്പണ് ബാഡ്മിന്റണില് ഇന്ത്യയുടെ പ്രിയാന്ഷു രജാവത്തും എച്ച്എസ് പ്രണോയിയും പുരുഷ സിംഗിള്സ് സെമിഫൈനലില് കടന്നു.ഓര്ലിയന്സ് മാസ്റ്റേഴ്സ് ചാമ്പ്യന് പ്രിയാന്ഷു ക്വാര്ട്ടര് ഫൈനലില് ഇന്ത്യയുടെ തന്നെ കിദംബി ശ്രീകാന്തിനെ കീഴടക്കി (21-13, 21-8).
ആറാം സീഡായ പ്രണോയ് ലോക രണ്ടാം നമ്പര് താരവും നിലവിലെ ഒളിമ്പിക് മെഡല് ജേതാവുമായ ആന്റണി ജിന്റിംഗിനെയാണ് കീഴടക്കിയത്.16-21, 21-17, 21-14 എന്ന സ്കോറിനാണ് പ്രാണോയുടെ വിജയം.
എന്നാല് പി.വി. സിന്ധു, വനിതാ സിംഗിള്സ് ക്വാര്ട്ടര് ഫൈനലില് പരാജയപ്പെട്ടു.ലോക 12-ാം നമ്പര് താരം അമേരിക്കയുടെ ബെയ്വെന് ഷാങ്ങിനോട് 12-21, 17-21 എന്ന സ്കോറിനാണ് പരാജയം രുചിച്ചത്.
