ഐസ്വാള്‍: മിസോറാമിലെ ചമ്പായി ജില്ലയില്‍ വന്‍ ലഹരിവേട്ട. 1.24 കോടി രൂപ വിലമതിക്കുന്ന ഹെറോയിന്‍ അസം റൈഫിള്‍സ് കണ്ടെടുത്തു. കമ്പനി ഓപ്പറേറ്റിങ് ബേസ് ചമ്പായി, സെര്‍ച്ചിപ്പ് ബറ്റാലിയന്‍, എക്സൈസ് ആന്‍ഡ് നാര്‍ക്കോട്ടിക് ഡിപ്പാര്‍ട്ട്മെന്റ് ചമ്പായി എന്നിവരുടെ സംയുക്ത സംഘമാണ് ഓപ്പറേഷന്‍ നടത്തിയത്.
പ്രത്യേക രഹസ്യവിവരത്തിന്റെ അടിസ്ഥാനത്തിലാണ് ലഹരി വസ്തു കണ്ടെടുത്തത്. കണ്ടെടുത്ത ഹെറോയിന്‍ തുടര്‍ നിയമനടപടികള്‍ക്കായി ചമ്പായി എക്സൈസ് ആന്‍ഡ് നാര്‍ക്കോട്ടിക് വകുപ്പിന് കൈമാറിയതായി ഓപ്പറേഷന്‍ നടത്തിയ ഉദ്യോഗസ്ഥര്‍ കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: