ആലപ്പുഴ: കേരള പോലീസ് അസോസിയേഷന്‍ ജില്ലാ കമ്മിറ്റി തെരഞ്ഞെടുപ്പില്‍ നാമനിര്‍ദേശ പത്രിക സമര്‍പ്പിക്കാനുള്ള സമയം അവസാനിക്കവെ ജില്ലയിലെ സ്റ്റേഷനുകളിലും, യൂണിറ്റുകളിലുമായി അഞ്ച് സീറ്റില്‍ മാത്രമാണ് മത്സരം നടക്കുക.
കനകകുന്ന്, അര്‍ത്തുങ്കല്‍ കോസ്റ്റല്‍, അമ്പലപ്പുഴ, പൂച്ചാക്കല്‍, പട്ടണക്കാട് എന്നീ സ്റ്റേഷനുകളിലാണ് മത്സരം നടക്കുന്നത്. നിലവിലെ ജില്ലാ സെക്രട്ടറി എ. അഞ്ജു വീയപുരം പോലീസ് സ്റ്റേഷനില്‍ നിന്നും, ജില്ലാ പ്രസിഡന്റ് മനു മോഹന്‍ ജില്ലാ സ്‌പെഷ്യല്‍ ബ്രാഞ്ചില്‍ നിന്നും, ട്രഷറര്‍ ആന്റണി രതീഷ് സൗത്ത് സ്റ്റേഷനില്‍ നിന്നും, ജില്ലാ ജോയിന്റ് സെക്രട്ടറി ഹാഷിര്‍. നോര്‍ത്ത് സ്റ്റേഷനില്‍ നിന്നും, വൈസ് പ്രസിഡന്റ് ആര്‍. റെജികുമാര്‍ വള്ളികുന്നം സ്റ്റേഷനില്‍ നിന്നും സംസ്ഥാന നിര്‍വാഹക സമിതി അംഗം എസ്. സന്തോഷ് കായംകുളം ട്രാഫിക് സ്റ്റേഷനില്‍ നിന്നും എതിരില്ലാതെ തെരെഞ്ഞെടുക്കപ്പെട്ടു. ഏഴിനാണ് ശേഷിക്കുന്ന മത്സരമുള്ള അഞ്ച് സ്റ്റേഷനുകളിലെ തെരഞ്ഞെടുപ്പ് നടക്കുക..
പ്രതികരിക്കാൻ ഇവിടെ എഴുതുക: