ന്യൂദല്ഹി : രാജ്യത്ത് ജനന- മരണ രജിസ്ട്രേഷന് മാതാപിതാക്കളുടെ ആധാര് നിര്ബന്ധമാക്കി കൊണ്ടുള്ള ബില്ലിന് ലോക്സഭയില് അംഗീകാരം. ദേശീയ- സംസ്ഥാന തലങ്ങളില് ജനന- മരണ രജിസ്ട്രേഷന് വ്യക്തമായ ഡാറ്റാ ബേസ് നിര്മ്മിക്കുന്നതിനായാണ് പുതിയ നിയമഭേദഗതി കൊണ്ടുവരുന്നത്.
പുതിയ ഭേദഗതി പ്രകാരമുള്ള രജിസ്ട്രേഷനുകളുടെ ഏകോപനത്തിന് ദേശീയതലത്തില് രജിസ്ട്രാര് ജനറലിനേയും സംസ്ഥാനതലത്തില് ചീഫ് രജിസ്ട്രാറേയും ജില്ലാതലത്തില് രജിസ്ട്രാേറയും നിയമിക്കും. ജനസംഖ്യ രജിസ്റ്റര്, തെരഞ്ഞെടുപ്പുകള്, റേഷന് കാര്ഡുകള് എന്നിവ തയ്യാറാക്കുമ്പോള് ഡാറ്റാ ബേസ് ഉപകാരപ്പെടും. കുഞ്ഞിന്റെ ജനന സമയത്ത് രജിസ്റ്റര് ചെയ്യാന് സാധിച്ചില്ലെങ്കില് നിശ്ചിത തുക നല്കി ജില്ല രജിസ്ട്രാറില് പിന്നീട് ചെയ്യാം.
വിദ്യാഭ്യാസം, തെരഞ്ഞെടുപ്പുകള്, ജോലി, വിവാഹം, സര്ക്കാര് ജോലി തുടങ്ങിയവയ്ക്ക് ജനന സര്ട്ടിഫിക്കറ്റ് അത്യാവശ്യമാണ്. എന്നാല് മരിച്ച വ്യക്തിയുടെ സര്ട്ടിഫിക്കറ്റ് ലഭ്യമാക്കുമ്പോള്, അതിന്റെ പകര്പ്പ് രജിസ്ട്രാര്ക്കും നല്കണം. ഇതുസംബന്ധിച്ചും രേഖകളില് പറയുന്നുണ്ട്.
