റഹ്മാന് നായകനായ ‘സമാറ ‘എന്ന ചിത്രത്തിന്റെ പുതിയ റിലീസ് തീയതി പ്രഖ്യാപിച്ചു. ആഗസ്റ്റ് 4 ന് തിയ്യേറ്ററുകളില് എത്താന് ഇരുന്ന ചിത്രം ചില സാങ്കേതിക കാരണങ്ങള് കൊണ്ട് ആഗസ്റ്റ് 11ലേക്ക് റിലീസ് മാറ്റി വെക്കുക ആയിരുന്നു. ആഗസ്റ്റ് 11ന് മാജിക് ഫ്രെയിംസ് ‘സമാറ ‘ തീയറ്ററുകളില് എത്തിക്കും. പുതുമുഖ
സംവിധായകന് ചാള്സ് ജോസഫ് രചനയും സംവിധാനവും നിര്വഹിച്ച ചിത്രം പീകോക്ക് ആര്ട്ട് ഹൗസിന്റെ ബാനറില് എം കെ സുഭാകരന്,അനുജ് വര്ഗ്ഗീസ് വില്ല്യാടത്ത് എന്നിവര് ചേര്ന്ന് നിര്മ്മിക്കുന്നു. സയന്സ് ഫിക്ഷന് ത്രില്ലറായാണ് ചിത്രം ഒരുക്കിയിരിയ്ക്കുന്നത്. ചിത്രത്തിന്റെ ട്രെയിലറിന് മികച്ച സ്വീകരണം ആണ് സോഷ്യല് മീഡിയയില് ലഭിച്ചിരുന്നത്. ട്രെയിലര് റിലീസ് ചെയ്യുന്നതിന് മുന്നോടിയായി ഇതിലെ അണിയറ പ്രവര്ത്തകരും താരങ്ങളും ചേര്ന്ന് ഒരു ക്യാമ്പയിന് ഒരുക്കിയിരുന്നു. അതുപോലെതന്നെ വ്യത്യസ്തമായ പുതുമ നിറഞ്ഞ ഒരു ട്രെയിലര് തന്നെ ആയിരുന്നു സമാറയുടേത്.
ഹിന്ദിയില് ‘ബജ്രംഗി ബൈജാന്’, ജോളി എല്എല്ബി 2, തമിഴില് വിശ്വരൂപം 2 എന്നീ ചിത്രങ്ങളിലൂടെ പ്രശസ്തനായ ബോളിവുഡ് താരം മീര്സര്വാര്, തമിഴ് നടന് ഭരത്, മൂത്തോന് എന്ന ചിത്രത്തിലൂടെ ശ്രദ്ധേയയായ സഞ്ജന ദിപു, രാഹുല് മാധവ്, ബിനോജ് വില്ല്യ, ഗോവിന്ദ് കൃഷ്ണ, ടിനിജ്, ടോം സ്കോട്ട് തുടങ്ങിയവര്ക്കൊപ്പം 18 ഓളം പുതിയ താരങ്ങളും 35 ഓളം വിദേശ താരങ്ങളും ചിത്രത്തില് അണിനിരക്കുന്നു.
കുളു- മണാലി, ധര്മ്മശാല, ജമ്മു കാശ്മീര് എന്നിവടങ്ങളിലായാണ് ഭൂരിഭാഗവും ചിത്രീകരിച്ചിരിക്കുന്നത്. ഛായാഗ്രഹണം സിനു സിദ്ധാര്ത്ഥ്, ശ്ചാത്തലസംഗീതം ഗോപി സുന്ദര്, മ്യൂസിക് ഡയറക്ടര് :ദീപക് വാരിയര്,എഡിറ്റര് : ആര്.ജെ. പപ്പന്, സൗണ്ട് ഡിസൈന് : അരവിന്ദ് ബാബു, കോസ്റ്റ്യൂം: മരിയ സിനു. ഇവരുടെ ആദ്യ സിനിമാ സംരംഭം കൂടിയാണ് ‘സമാറ’.
കലാസംവിധാനം രഞ്ജിത്ത് കോത്തേരി,ചീഫ് അസോസിയേറ്റ് ഡയറക്ടര് വിഷ്ണു ഐക്കരശ്ശേരി, സംഘട്ടനം ദിനേശ് കാശി,പ്രൊഡക്ഷന് കണ്ട്രോളര് പ്രേമന് പെരുമ്പാവൂര്, പിആര്ഒ മഞ്ജു ഗോപിനാഥ്. ഡിസൈനര് മാമിജോ, സ്റ്റില്സ് സിബി ചീരന്. മാര്ക്കറ്റിങ് ബിനു ബ്രിങ് ഫോര്ത്ത്. ഡിജിറ്റല് പ്രൊമോഷന് ഒബ്സ്ക്യൂറ. വിതരണം മാജിക് ഫ്രെയിംസ്. എന്നിവരാണ് മറ്റു അണിയറ പ്രവര്ത്തകര്.
