കൊച്ചി: മണിപ്പൂര്‍ സംഘര്‍ഷവുമായി ബന്ധപ്പെട്ട് വ്യാജ സന്ദേശം പ്രചരിപ്പിച്ച സംഭവത്തില്‍ വീണ്ടും കേസ്. മണിപ്പൂര്‍ സംഘര്‍ഷം ആസൂത്രിതമാണെന്നും സംഭവത്തിനു പിന്നില്‍ ആര്‍എസ്എസ് ആണെന്നും പ്രചരിപ്പിച്ച അനീഷ് വര്‍ഗീസ് എന്ന ആള്‍ക്കെതിരെയാണ് അങ്കമാലി പോലീസ് കേസ് എടുത്തത്. സമൂഹമാധ്യമത്തില്‍ ഇയാള്‍ പങ്കുവച്ച പോസ്റ്റ് വ്യാപകമായി പ്രചരിച്ചിരുന്നു. എലാവൂര്‍ സ്വദേശി അനീഷ് പെരുമ്പള്ളിയാണ് പോലീസില്‍ പരാതി നല്കിയത്.
അനീഷ് വര്‍ഗീസിന്റെ പോസ്റ്റ് ക്രിസ്ത്യന്‍ സമൂഹത്തെ തെറ്റിദ്ധരിപ്പിക്കാന്‍ ലക്ഷ്യമിട്ടുകൊണ്ടുള്ളതാണെന്ന് അനീഷിന്റെ പരാതിയില്‍ പറയുന്നു.
മണിപ്പൂരില്‍ നടക്കുന്നത് ഗോത്ര വിഭാഗങ്ങള്‍ തമ്മിലുള്ള സംഘര്‍ഷമാണ്. എന്നാല്‍ ഇതുമായി ബന്ധപ്പെട്ട് തെറ്റായ സന്ദേശമാണ് അനീഷ് പ്രചരിപ്പിച്ചത്.
ഇത്തരം പ്രവര്‍ത്തികള്‍ സാമൂഹിക അന്തരീക്ഷത്തെ തകര്‍ക്കുകയും മത, രാഷ്‌ട്രീയ വിഭാഗങ്ങള്‍ തമ്മിലുള്ള ശത്രുതയ്‌ക്ക് കാരണമാകുകയും ചെയ്യും. അതുകൊണ്ട് സംഭവത്തില്‍ എഫ്ഐആര്‍ രജിസ്റ്റര്‍ ചെയ്യണം. വിവിധ വകുപ്പുകള്‍ പ്രകാരം കേസ് എടുക്കണമെന്നും പരാതിയില്‍ ആവശ്യപ്പെട്ടു. കഴിഞ്ഞ 12 നാണ് അനീഷ് ഫെയ്‌സ്ബുക്കില്‍ പോസ്റ്റിട്ടത്.
പ്രതികരിക്കാൻ ഇവിടെ എഴുതുക: