തൃശൂര്‍: കൈക്കൂലി വാങ്ങുന്നതിനിടെ എംവിഐ അറസ്റ്റില്‍. തൃപ്രയാറിലെ എംവിഐ സി.എസ് ജോര്‍ജ് ആണ് വിജിലന്‍സിന്റെ പിടിയിലായത്. പുക പരിശോധന കേന്ദ്രം അനുവദിക്കുന്നതിന് കൈക്കൂലി വാങ്ങിയതിനാണ് അറസ്റ്റ്. ഏജൻ്റായ അഷറഫാണ് ഉദ്യോഗസ്ഥന് വേണ്ടി പണം വാങ്ങിയത്. ഇയാളെ പിടികൂടി ചോദ്യം ചെയ്തപ്പോഴാണ് ജോർജിന്റെ പങ്ക് വ്യക്തമാകുന്നത്.
തന്റെ പേരിലുള്ള പുക പരിശോധന കേന്ദ്രം ഭാര്യയുടെ പേരിലേക്ക് മാറ്റണമെന്നാവശ്യപ്പെട്ട് ഒരാള്‍ എത്തിയിരുന്നു. ഇത് മാറ്റാന്‍ പറ്റില്ലെന്നും പുതിയ ലൈസന്‍സ് വേണമെന്നും തന്റെ ഏജന്റായ അഷ്‌റഫിനെ പോയി കണ്ടാല്‍മതിയെന്നും ഉദ്യോഗസ്ഥന് പരാതിക്കാരനോട് പറയുകയായിരുന്നു. അയ്യായിരം രൂപ കൈക്കൂലി ആവശ്യപ്പെട്ടതോടെ വിജിലന്‍സിന് പരാതി നല്‍കുകയായിരുന്നു.
തൃശൂര്‍ വിജിലന്‍സ് ഡിവൈഎസ്പിയുടെ നേതൃത്വത്തിലുള്ള സംഘമാണ് എം വി ഐയെ പിടികൂടിയത്.
പ്രതികരിക്കാൻ ഇവിടെ എഴുതുക: