കോഴിക്കോട്: സുപ്രീം കോടതിയുടെ വിധികളില്‍ ആവര്‍ത്തിച്ച് വ്യക്തമാക്കിയിട്ടും ഗാന്ധിവധം സംബന്ധിച്ച് ആര്‍എസ്എസിനെതിരായ മന്ത്രി വി. ശിവന്‍കുട്ടിയുടെ പ്രസ്താവനക്കെതിരെ നിയമനടപടി സ്വീകരിക്കുമെന്ന് എന്‍ടിയു സംസ്ഥാന ജനറല്‍ സെക്രട്ടറി ടി. അനൂപ് കുമാര്‍ പ്രസ്താവനയില്‍ പറഞ്ഞു. വിഷയത്തില്‍ കോണ്‍ഗ്രസ് നേതാവ് രാഹുല്‍ ഗാന്ധിയെ പോലെ മാപ്പ് പറയാന്‍ മന്ത്രി കോടതി കയറുന്ന കാലം വിദൂരമല്ല. ആലപ്പുഴ മാന്നാര്‍ നായര്‍ സമാജം സ്‌കൂള്‍ രജത ജൂബിലി ആഘോഷ വേദിയിലാണ് മന്ത്രി വിവാദ പ്രസ്താവന നടത്തിയത്.
വിദ്യാഭ്യാസ മന്ത്രിയുടെ ഇംഗ്ലീഷ് ഭാഷാപ്രാവീണ്യവും മൂന്നക്ക സംഖ്യ വായിക്കുന്നതിനുള്ള ശേഷിയും രാജ്യത്തെ സംസ്ഥാനങ്ങളുടെ എണ്ണവും കേട്ട് മരവിച്ചവരാണ് കേരളത്തിലെ ജനങ്ങള്‍. വിദ്യാലയങ്ങള്‍ സന്ദര്‍ശിച്ച് മന്ത്രി ഇപ്പോള്‍ സമാനതകളില്ലാത്ത രാഷ്‌ട്രീയ പ്രസംഗത്തിന്റെ വേദികളാക്കുകയാണെന്നും അദ്ദേഹം കുറ്റപ്പെടുത്തി.
മണിപ്പുരിന്റെ ദത്ത് പുത്രിയായി അവതരിപ്പിക്കപ്പെട്ട ജേ ജെം എന്ന മൂന്നാംക്ലാസ്‌കാരിയെ കാണാനായി തിരുവനന്തപുരം തൈക്കാട് ഗവ. എല്‍ പി സ്‌കൂളിലെത്തിയ മന്ത്രി മൂന്നാം ക്ലാസിലെ കുട്ടികളോട് ബിജെപി ഭരിക്കുന്ന സംസ്ഥാനത്തെക്കുറിച്ചും എല്‍ഡിഎഫ് ഭരിക്കുന്ന സംസ്ഥാനത്തെക്കുറിച്ചുമാണ് പറയുന്നതെന്നത് പരിഹാസ്യമാണെന്നും പ്രസ്താവനയില്‍ പറഞ്ഞു.
പ്രതികരിക്കാൻ ഇവിടെ എഴുതുക: