തൃശൂര്‍::മന്ത്രി ഡോ.ആര്‍ ബിന്ദു തൃശൂര്‍ കേരളവര്‍മ്മ കോളെജില്‍ പ്രിന്സിപ്പലിന്റെ ചുമതല വഹിച്ചതായുള്ള തെളിവുകള്‍ പുറത്ത് വിട്ട് ടിവി ചാനല്‍. ട്വന്‍റി ഫോര്‍ ന്യൂസാണ് ഇത് സംബന്ധിച്ച വാര്‍ത്ത പുറത്തുവിട്ടത്. താന‍് ഒരിയ്‌ക്കലും പ്രിന്‍സിപ്പലായിട്ടില്ലെന്നും വൈസ് പ്രി‍ന്‍സിപ്പലായി മാത്രമാണ് ജോലി ചെയ്തതെന്നുമാണ് എന്നത്തേയും പോലെ വെള്ളിയാഴ്ചയും ബിന്ദു അഭിപ്രായപ്പെട്ടിരുന്നു.
തൃശൂര്‍ കേരളവര്‍മ്മ കോളജിലെ ജോലി ചെയ്യുന്നവരുടെ പേരുകള്‍ പ്രസിദ്ധപ്പെടുത്തിയ ബോര്‍ഡില്‍ പ്രിന്‍സിപ്പല്‍ പദവി വഹിച്ചവരുടെ പട്ടികയില്‍ ഡോ ബിന്ദുവിന്റെ പേരുള്ളതായി ടിവി ചാനല്‍ പറയുന്നു. ഇതിനായി കോളെജില്‍ പ്രദര്‍ശിപ്പിച്ച ബോര്‍ഡിന്റെ ചിത്രവും ചാനലല്‍ പുറത്തുവിട്ടു.
2020 നവംബര്‍ 13 മുതല്‍ 2021 മാര്‍ച്ച് പത്ത് വരെയാണ് പ്രിന്സിപ്പലിന്റെ ചുമതലയില്‍ ബിന്ദു ഉണ്ടായിരുന്നത്. കോളജിലെ താത്ക്കാലിക പ്രിന്‍സിപ്പല്‍ ചുമതല വഹിച്ചിട്ടില്ലെന്നും വൈസ് പ്രിന്‍സിപ്പല്‍ ആയിരുന്നെന്നും മന്ത്രി വെള്ളിയാഴ്ച പ്രഖ്യാപിച്ചിരുന്നു.
പ്രതികരിക്കാൻ ഇവിടെ എഴുതുക: