തൃശൂര്‍: ഗണപതിയെ നിന്ദിച്ചുകൊണ്ടുള്ള സ്പീക്കര്‍ ഷംസീറിന്റെ പ്രസ്താവനക്കെതിരെയും മണിപ്പൂര്‍ ഐക്യറാലിയുടെ പേരില്‍ കാസര്‍ഗോഡ് നടന്ന പ്രകടനത്തിലെ ലീഗിന്റെ ഹിന്ദു കൊലവിളിക്കെതിരെയും ശബരിമല അയ്യപ്പ സേവാസമാജം സംസ്ഥാന സമിതി പ്രതിഷേധിച്ചു.
തൃശൂരില്‍ കൂടിയ സംസ്ഥാന സമിതി യോഗത്തില്‍ പ്രസിഡന്റ് അക്കീരമണ്‍ കാളിദാസ ഭട്ടതിരിപ്പാട് അധ്യക്ഷത വഹിച്ചു. നിയമസഭാ സ്പീക്കര്‍ എന്ന ഭരണഘടനാപരമായ ഉയര്‍ന്ന പദവിയലങ്കരിക്കുന്ന ഷംസീറിന്റെ നിന്ദ്യമായ വാക്കുകള്‍ അത്യന്തം അപലപനീയമാണ്. വര്‍ഗീയ പാര്‍ട്ടിയായ മുസ്ലീം ലീഗ് ഹൈന്ദവര്‍ക്കെതിരെ നടത്തിയ കൊലവിളി മതസ്പര്‍ധ വളര്‍ത്താനുള്ള പരസ്യമായ കലാപാഹ്വാനമാണെന്നും സംസ്ഥാന സമിതി വിലയിരുത്തി.
സംസ്ഥാന സമിതി അംഗങ്ങള്‍ പങ്കെടുത്ത യോഗത്തില്‍ ഹരിവരാസനം ശതാബ്ദി ആഘോഷ പരിപാടികള്‍, സംഘടനാ പ്രവര്‍ത്തനങ്ങള്‍ തുടങ്ങിയവ സംബന്ധിച്ച ചര്‍ച്ചകള്‍ നടന്നു. ദേശീയ ജനറല്‍ സെക്രട്ടറി ഈറോഡ് രാജന്‍, വി.കെ. വിശ്വനാഥന്‍, സ്വാമി അയ്യപ്പദാസ്, പി. ഷണ്‍മുഖാനന്ദന്‍, എം.കെ. അരവിന്ദാക്ഷന്‍, സംസ്ഥാന ജനറല്‍ സെക്രട്ടറി മുരളി കൊളങ്ങാട,് നാരായണന്‍ തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: