കാസര്‍കോട് : മണിപ്പൂര്‍ വിഷയത്തിന്റെ മറവില്‍ ഹിന്ദു വിശ്വാസികള്‍ക്കെതിര കൊലവിളിയുമായി മുസ്ലീം യൂത്ത് ലീഗ്. ജനകീയ പ്രതിഷേധമെന്ന പേരില്‍ കാസര്‍കോട് കാഞ്ഞങ്ങാട് ജില്ലാ കമ്മിറ്റിയുടെ നേതൃത്വത്തില്‍ നടത്തിയ പ്രതിഷേധ മാര്‍ച്ചിനിടെയാണ് ഹിന്ദുക്കള്‍ക്ക് നേരെ കൊലവിളി മുദ്രാവാക്യം ഉയര്‍ന്നത്. റോഡിലൂടെ പരസ്യമായി വലിയ ശബ്ദത്തിലായിരുന്നു മുദ്രാവാക്യം. ഇന്നലെ വൈകീട്ടാണ് നഗരമദ്ധ്യത്തില്‍ പ്രതിഷേധ റാലി നടന്നത്. ”അമ്പല നടയില്‍ കെട്ടിത്തൂക്കി, പച്ചക്കിട്ട് കത്തിക്കും,” എന്ന മുദ്രാവാക്യം വിളികള്‍ ഉയരുന്നത് കേള്‍ക്കാം. സ്ത്രീകള്‍ ഉള്‍പ്പെടെ പ്രതിഷേധ പരിപാടിയില്‍ പങ്കെടുത്തിരുന്നു . ഇതിന്റെ വീഡിയോ സമൂഹമാദ്ധ്യമങ്ങളില്‍ വ്യാപകമായി പ്രചരിക്കുന്നുണ്ട്.
മുസ്ലീം യൂത്ത് ലീഗ് ദേശീയ ജനറല്‍ സെക്രട്ടറി അഡ്വക്കേറ്റ് ഫൈസല്‍ ബാബുവാണ് റാലി ഉദ്ഘാടനം ചെയ്തത്. ഹിന്ദു വിശ്വാസികളെ കൊന്നൊടുക്കുമെന്ന് പരസ്യമായി പ്രഖ്യാപിച്ചിട്ടും പ്രകടനത്തിനെതിരെ പോലീസ് കേസെടുത്തിട്ടില്ല എന്ന റിപ്പോര്‍ട്ടുകളാണ് ലഭിക്കുന്നത്.
പ്രതികരിക്കാൻ ഇവിടെ എഴുതുക