ന്യൂദല്‍ഹി: മോഷണത്തിനായി കയറിയ വീട്ടില്‍ നിന്നും യാതൊന്നും കണ്ടെത്താന്‍ കഴിയാത്തതോടെ 500 രൂപയുടെ നോട്ട് വീട്ടില്‍ വച്ചിട്ടു മോഷ്ടാക്കള്‍ മടങ്ങിയതായി പോലീസ്. ദല്‍ഹിയില്‍ രോഹിണിയിലെ സെക്ടര്‍ എട്ടിലാണു സംഭവം നടന്നത്.
എം. രാമകൃഷന്റെ വീട്ടിലാണു കള്ളന്മാര്‍ മോഷണത്തിനായി കയറിയത്. വിലപിടിച്ചതൊന്നും വീട്ടില്‍ സൂക്ഷിക്കുന്ന പതിവ് ഇല്ലാത്തതിനാല്‍ മോഷ്ടാക്കള്‍ക്കു ഒന്നുലഭിച്ചില്ല. ഇതേതുടര്‍ന്നാണ് 500 രൂപ വച്ച് തിരിച്ചുപോയത്. ജൂലൈ 19നു ഗുരുഗ്രാമില്‍ താമസിക്കുന്ന മകന്റെ വീട്ടില്‍ പോയതാണ് ഇരുവരും.
ജൂലൈ 21നാണ് വീട്ടില്‍ മോഷണം നടന്നെന്നു പറഞ്ഞ് അയല്‍വാസി വിളിക്കുകയായിരുവെന്ന് രാമകൃഷ്ണന്‍ പോലീസിന് നല്‍കിയ പരാതിയില്‍ വ്യക്തമാക്കുന്നു. വീട്ടിലെത്തിയപ്പോള്‍ കണ്ടത് പ്രധാന വാതില്‍ തകര്‍ന്ന നിലയിലായിരുന്നു. മെയിന്‍ ഗേറ്റിന് താഴെയായി 500 രൂപ വച്ചിരുന്നുവെന്നും രാമകൃഷ്ണന്‍ പറഞ്ഞു. രാമകൃഷ്ണന്റെ പരാതിയില്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: