മലപ്പുറം: ചാരിറ്റിയുടെ മറവില് നിരവധി ഭിന്നശേഷിരെ ലൈംഗികമായി പീഡിപ്പിച്ചതായി ആരോപണം. ഭിന്നശേഷിയുള്ള പെണ്കുട്ടികളെ ഭീഷണിപ്പെടുത്തി ലൈംഗികമായി പീഡിപ്പിച്ചുവെന്ന് റിപ്പോര്ട്ടര് ടിവിയോയാണ് പരാതിക്കാരുടെ വെളിപ്പെടുത്തല്. പെരിന്തല്മണ്ണ കേന്ദ്രീകരിച്ചുള്ള വ്യാജ ട്രസ്റ്റിന്റെ മറവിലാണ് തട്ടിപ്പുകള് നടക്കുന്നത്. തണലോര ശലഭങ്ങള് എന്ന പേരിലായിരുന്നു വ്യാജ ട്രസ്റ്റിന്റെ പ്രവര്ത്തനം.
പെരിന്തല്മണ്ണ സ്വദേശി സൈഫുള്ളക്കെതിരെ ഗുരുതര ആരോപണവുമായി ഭിന്നശേഷിക്കാരും, രക്ഷിതാക്കളും രംഗത്തെത്തി. നിരവധി പെണ്കുട്ടികള്ക്കെതിരെ അതിക്രമമുണ്ടായെന്ന് ഇരയായ പെണ്കുട്ടികളുടെ സുഹൃത്ത് വെളിപ്പെടുത്തി. ഭീഷണിയും ഭയവും കാരണമാണ് പരാതി നല്കാത്തതെന്ന് ട്രസ്റ്റില് അംഗമായിരുന്ന പെണ്കുട്ടി പറഞ്ഞു. ഭിന്നശേഷിക്കാര്ക്ക് സ്വപ്നങ്ങളും പ്രതീക്ഷകളും നല്കിയാണ് ചൂഷണം ചെയ്തത്. പെണ്കുട്ടികള് ഗര്ഭിണികളാകുന്ന സാഹചര്യം ഉണ്ടായെന്നും കൂട്ടായ്മയില് അംഗമായിരുന്ന പെണ്കുട്ടി യും ചാനലിനോട് വെളിപ്പെടുത്തി. ഭിന്നശേഷിക്കാരുടെ രക്ഷിതാക്കളോടും അപമര്യാദയായി പെരുമാറിയതായും സാമ്പത്തിക തട്ടിപ്പുള്ള ആരോപണങ്ങളും പരാതിക്കാര് ഉന്നയിക്കുന്നുണ്ട്.
