കോട്ടയം: ഉമ്മന് ചാണ്ടിയുടെ മകളായി അറിയപ്പെടാനാണ് തനിക്ക് ആഗ്രഹമെന്നും സജീവ രാഷ്ട്രീയത്തിലേക്കില്ലെന്നും അച്ചു ഉമ്മന്. പുതുപളളിയില് കോണ്ഗ്രസിന്റെ സ്ഥാനാര്ത്ഥി ആരാകുമെന്ന് ചര്ച്ചകള് നടക്കുന്നതിനിടെയാണ് ഉമ്മന് ചാണ്ടിയുടെ മകള് നിലപാട് വ്യക്തമാക്കിയത്.
രാഷ്ട്രീയത്തില് ഇറങ്ങുന്നതിനെ കുറിച്ച് സ്വപ്നത്തില് പോലും ചിന്തിച്ചിട്ടില്ല. അപ്പ കഴിഞ്ഞാല് ചാണ്ടി ഉമ്മനാണ് കുടുംബത്തിലെ രാഷ്ട്രീയക്കാരന്. തന്റെ പേരിനെ ചുറ്റിപ്പറ്റിയുള്ള ചര്ച്ചകള് അവസാനിപ്പിക്കണം എന്നും അച്ചു ഉമ്മന് പറഞ്ഞു. അച്ഛന്റെ മരണത്തിനു പിന്നാലെ ഇത്രയും പെട്ടന്ന് ഇത്തരം ഒരു പ്രതികരണം നടത്തേണ്ടിവരുമെന്ന് കരുതിയില്ല.
അച്ഛന്റെ ചടങ്ങുകളിലൊക്കെ പങ്കെടുക്കുന്നസമയത്ത് വലിയ ജനത്തിരക്ക് ഉണ്ടാകാറുണ്ട്. അച്ഛന് പോകുന്നിടത്തെല്ലാം ആള്ക്കൂട്ടം ഉണ്ടാകാറുണ്ട്. ആള്ക്കൂട്ടത്തിനിടയിലായിരുന്നു എപ്പോഴും ഉമ്മന്ചാണ്ടി. എന്നാല് അച്ഛന്റെ യാത്ര അയപ്പ് കണ്ടപ്പോഴാണ് ഇത്രയധികം ആളുകളുടെ മനസ്സില് ആഴത്തിലിറങ്ങിയ സ്നേഹമാണ് ഉമ്മന്ചാണ്ടിയോടുള്ളത് എന്ന് മനസ്സിലാക്കാന് പറ്റിയതെന്നും അവര് പറഞ്ഞു.
