കോഴിക്കോട്: വടക്കന് കേരളത്തില് പലയിടങ്ങളിലും കനത്ത മഴ. കോഴിക്കോട് ജില്ലയിലെ വിവിധയിടങ്ങളില് ശക്തമായ മഴയെതുടര്ന്ന് കനത്ത നാശനഷ്ടങ്ങളുണ്ടായി. മരംവീണ് രണ്ടുവീടുകള് ഭാഗികമായി തകര്ന്നു. കുറ്റിയാടിയില് കിണര് ഇടിഞ്ഞു താഴ്ന്നതായും റിപ്പോര്ട്ടുണ്ട്.
മധ്യ കേരളത്തിലും വടക്കന് കേരളത്തിലും മഴ തുടരുമെന്നാണ് കാലാവസ്ഥാ വിഭാഗത്തിന്റെ മുന്നറിയിപ്പ്. കഴിഞ്ഞ മണിക്കൂറുകളില് കോഴിക്കോട്, വയനാട്, കണ്ണൂര്, കാസര്കോട് അടക്കമുള്ള ജില്ലകളില് ശക്തമായ മഴയാണ് ലഭിച്ചത്. ഇതേതുടര്ന്ന് ഈ ജില്ലകളില് ഇന്ന് ഓറഞ്ച് അലര്ട്ടാണ്. മലയോരമേഖലകളില് കൂടുതല് മഴ സാധ്യതയുണ്ടെന്നാണ് മുന്നറിയിപ്പ്. വയനാട് നാളെ വിദ്യാഭ്യാസ് സ്ഥാപനങ്ങള്ക്ക് അവധിയാണ്. പിഎസ്സി പരീക്ഷകള് മാറ്റമില്ല.
ജൂലൈ 24 ഓടെ വടക്ക്-പടിഞ്ഞാറന് ബംഗാള് ഉള്ക്കടലിനും മധ്യ-പടിഞ്ഞാറന് ബംഗാള് ഉള്ക്കടലിനും മുകളിലായി ഒഡിഷ, ആന്ധ്രാപ്രദേശ് തീരത്തിനു സമീപം പുതിയൊരു ന്യുനമര്ദ്ദം രൂപപ്പെടാന് സാധ്യതയുണ്ട്. കേരളത്തില് വ്യാപകമായ മഴക്കും ഒറ്റപ്പെട്ട സ്ഥലങ്ങളില് ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളത്.
ഇന്ന് ആറ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട്. കേരള തീരത്ത് (വിഴിഞ്ഞം മുതല് കാസര്കോട് വരെ) ഇന്ന് രാത്രി 11.30 വരെ 3.5 മുതല് 4.0 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു.
