ഇംഫാല്‍ : മണിപ്പൂരില്‍ രണ്ട് സ്ത്രീകളെ നഗ്നരാക്കി നടത്തിയ സംഭവത്തില്‍ ഒരാള്‍ കൂടി പിടിയില്‍. ആറ് പേരാണ് നിലവില്‍ അറസ്റ്റിലായിരിക്കുന്നത്. മുഖ്യപ്രതി ഹെറാദാസ് (32) തൗബല്‍ ആണ് ആദ്യം അറസ്റ്റിലായത്. ശേഷം നാല്‌പേരെകൂടി പിടികൂടുകയായിരുന്നു.
കുകി വിഭാഗത്തില്‍പ്പെട്ട പുരുഷന്മാര്‍ ബലാത്സംഗം ചെയ്ത് കൊലപ്പെടുത്തിയ മെയ്തി യുവതി എന്ന പേരില്‍ ഒരു വ്യാജ ചിത്രം പ്രചരിച്ചതാണ് ഈ സംഭവങ്ങളിലേക്ക് നയിച്ചതെന്നാണ് ദേശീയ മാധ്യമങ്ങളില്‍ പറയുന്നത്. സംഭവത്തില്‍ പങ്കാളിത്തമുള്ളവര്‍ക്കായി തെരച്ചില്‍ നടത്തി വരികയാണ്. മുഖ്യമന്ത്രി ബീരേന്‍ സിങ്ങിന്റെ നേരിട്ടുള്ള നിരീക്ഷണത്തിലാണ് അന്വേഷണം നടക്കുന്നത്.
മെയ് 4ന് ചിത്രീകരിച്ച വീഡിയോയാണ് പുറത്തുവന്നത്. മണിപ്പൂരിലെ പെണ്‍മക്കള്‍ക്ക് സംഭവിച്ചത് ഒരിക്കലും പൊറുക്കാനാകില്ല, സംഭവം രാജ്യത്തിന് നാണക്കേടാണ്, കുറ്റവാളികള്‍ രക്ഷപ്പെടില്ല. തനിക്ക് അങ്ങേയറ്റം ക്രോധവും ലജ്ജയും ഉണ്ടാക്കുന്നതാണിത്. സഹോദരിമാരെ ബലാത്സംഗം ചെയ്തവരെ വെറുതെ വിടില്ലെന്ന് രാജ്യത്തിന് ഉറപ്പ് നല്‍കുന്നു. നമ്മുടെ പെണ്‍കുട്ടികള്‍ക്കെതിരായ ആക്രമണങ്ങള്‍ക്കെതിരെ രാജ്യം ഒറ്റക്കെട്ടായി നില്‍ക്കണം. അക്രമികള്‍ക്ക് ഒരിക്കലും മാപ്പില്ലെന്നും പ്രധാനമന്ത്രി നരേന്ദ്ര മോദി പ്രതികരിച്ചിരുന്നു. കുറ്റവാളികളെ വെറുതെ വിടില്ല. ഇവര്‍ക്കെതിരെ കര്‍ശ്ശന നടപടി തന്നെ കൈക്കൊള്ളുമെന്നും മണിപ്പൂര്‍ മുഖ്യമമന്ത്രിയും പ്രതികരിച്ചിരുന്നു.
പ്രതികരിക്കാൻ ഇവിടെ എഴുതുക: