മണിപ്പൂര്: രണ്ട് സ്ത്രീകളെ നഗ്നരാക്കി നടത്തുകയും ലൈംഗികാതിക്രമം നടത്തുകയും ചെയ്ത സംഭവത്തില് ആള്ക്കൂട്ടത്തിലെ പ്രധാന പ്രതി അറസ്റ്റില്. ഇന്ന് പുലര്ച്ചെ മണിപ്പൂര് പോലീസ് നടത്തിയ ഓപ്പറേഷനില് പേച്ചി അവാങ് ലെയ്കായി സ്വദേശിയായ ഹുയിറേം ഹെറോദാസ് മെയ്തേയിയെ (32) അറസ്റ്റ് ചെയ്തത്.
വിഷയം പാര്ലമെന്റിലും പുറത്തും ശക്തമായി പ്രതിപക്ഷം ഉന്നയിക്കുന്നതിനിടെയാണ് ഒരു പ്രതിയെ അറസ്റ്റ് ചെയ്തെന്ന് മണിപ്പൂര് പൊലീസ് പറയുന്നത്. സംഭവത്തില് പ്രതികരിച്ച് മണിപ്പൂര് മുഖ്യമന്ത്രി ബിരേന് സിങും രംഗത്ത് വന്നു. സ്ത്രീകളെ നഗ്നരാക്കി നടത്തിയത് അപമാനകരവും മനുഷ്യത്വ രഹിതവുമെന്ന് ബീരേന് സിങ് വിമര്ശിച്ചു.
സംഭവത്തില് ആദ്യ അറസ്റ്റ് ഇന്ന് രാവിലെ നടന്നുവെന്ന് പറഞ്ഞ അദ്ദേഹം സംഭവത്തില് സമഗ്ര അന്വേഷണം നടക്കുമെന്നും വ്യക്തമാക്കി. കര്ശന നടപടി ഉറപ്പാക്കും. കുറ്റക്കാര്ക്ക് വധശിക്ഷ ഉറപ്പാക്കാന് ശ്രമിക്കുമെന്ന് പറഞ്ഞ മുഖ്യമന്ത്രി ഇത്തരം ക്രൂരകൃത്യങ്ങള്ക്ക് സമൂഹത്തില് സ്ഥാനമില്ലെന്നും വ്യക്തമാക്കി.
