ന്യൂദല്‍ഹി : കണ്ണൂര്‍ സര്‍വകലാശാല അസോസിയേറ്റ് പ്രൊഫസറായി ചുമതലയേറ്റ പ്രിയ വര്‍ഗീസിന്റെ നിയമനം റദ്ദാക്കണമെന്നും ഉത്തരവ് പുനപരിശോധിക്കണമെന്നും ആവശ്യപ്പെട്ട് സുപ്രീംകോടതിയില്‍ ഹര്‍ജി. രണ്ടാം റാങ്കുകാരനായ ഡോ. ജോസഫ് സ്‌കറിയയാണ് സുപ്രീംകോടതിയെ സമീപിച്ചിരിക്കുന്നത്. യൂണിവേഴ്‌സിറ്റി ലിസ്റ്റിലെ രണ്ടാം റാങ്കുകാരനായ ഡോ. ജോസഫ് സ്‌കറിയയാണ് സുപ്രീംകോടതിയെ സമീപിച്ചത്.
നേരത്തെ കേസില്‍ യുജിസിയും സുപ്രിംകോടതിയെ സമീപിച്ചിട്ടുണ്ട്. പ്രിയ വര്‍ഗീസ് ഇതിനെതിരെ സുപ്രീംകോടതിയില്‍ തടസഹര്‍ജിയും നല്‍കിയിട്ടുണ്ട്. അടുത്തിടെയാണ് പ്രിയ വര്‍ഗീസ് അസോസിയേറ്റ് പ്രൊഫസറായി ജോലിയില്‍ പ്രവേശിച്ചത്. നീലേശ്വരം ക്യാമ്പസിലാണ് ജോലി.
പ്രിയക്ക് നിയമനം നല്‍കിയ റാങ്ക് ലിസ്റ്റ് സ്റ്റേ ചെയ്യുകയും പുനപരിശോധിക്കണമെന്ന ഹൈക്കോടതി സിംഗിള്‍ ബഞ്ചിന്റെ ഉത്തരവ് ജസ്റ്റിസ് ജയശങ്കര്‍ നമ്പ്യാര്‍ ജസ്റ്റിസ് മുഹമ്മദ് നിയാസ് എന്നിവര്‍ ഉള്‍പ്പെട്ട ഡിവിഷന്‍ ബഞ്ച് റദ്ദാക്കി. അനുകൂല വിധി നല്‍കിയതിനെ തുടര്‍ന്ന് സര്‍വകലാശാല ആസ്ഥാനത്തെത്തി പ്രിയ വര്‍ഗീസ് ചുമതലയേല്‍ക്കുകയായിരുന്നു.
പ്രതികരിക്കാൻ ഇവിടെ എഴുതുക: