കഴക്കൂട്ടം: കഞ്ചാവ് സംഘത്തിന്റെ ആക്രമണത്തില് മൂന്ന് പേര്ക്ക് വെട്ടേറ്റു. ഞാണ്ടൂര്കോണം അംബേദ്കര് നഗര് സ്വദേശി അഭിലാഷ്, രാജേഷ്, രാഹുല് എന്നിവര്ക്കാണ് കഴുത്തിലും കൈയ്യിലും ഗുരുതരമായി വെട്ടേറ്റത്.
ഞായറാഴ്ച രാത്രി 8.30 ഓടെയാണ് സംഭവം. കഞ്ചാവ് വില്പനക്കാരായ പ്രമോദ്, പ്രശാന്ത്, ബെന്റന്, രാജേഷ് എന്നിവരോട് കോളനിയില് വരരുതെന്ന് നിവാസികള് പറഞ്ഞിരുന്നു. എന്നാല് ഇവര് ഞായറാഴ്ച എത്തുകയും വാക്കേറ്റവും സംഘര്ഷവും ഉണ്ടാവുകയായിരുന്നു. പോലീസ് കേസെടുത്തു.
