തിരുവനന്തപുരം: നടനും മുന് രാജ്യസഭാംഗവുമായ സുരേഷ് ഗോപിയുടെ മകള് ഭാഗ്യ സുരേഷ് വിവാഹിതയാകുന്നു. മാവേലിക്കര സ്വദേശികളായ മോഹന് കുമാറിന്റെയും ശ്രീദേവിയുടെയും മകന് ശ്രേയസ് കുമാറാണ് വരന്. ഇദ്ദേഹം ബിസിനസ്സുകാരനാണ്.
വിവാഹത്തിന് മുന്നോടിയായുള്ള നിശ്ചയ ചടങ്ങുകള് കഴിഞ്ഞ ദിവസം സുരേഷ് ഗോപിയുടെ തിരുവനന്തപുരത്തെ വീട്ടില് വച്ച് നടന്നു. ലളിതമായ ചടങ്ങില് അടുത്ത ബന്ധുക്കള് മാത്രമാണ് പങ്കെടുത്തത്.
വിവാഹം ജനുവരി 17ന് ഗുരുവായൂരില് വച്ച് നടക്കും. റിസപ്ഷന് ജനുവരി 20നും. തിരുവനന്തപുരം ഗ്രീന്ഫീല്ഡ് സ്റ്റേഡിയത്തില്വച്ചാകും വിവാഹ റിസപ്ഷന് നടക്കുക
ബ്രിട്ടിഷ് കൊളംബിയ സര്വകലാശാലയില്നിന്നുമാണ് ഭാഗ്യ ബിരുദം പൂര്ത്തിയാക്കിയത്.യുബിസി സൗഡെര് സ്കൂള് ഓഫ് ബിസിനസിലായിരുന്നു പഠനം. ഭാഗ്യ പങ്കുവെച്ച ബിരുദദാന ചടങ്ങിന്റെ ഫോട്ടോകള് സമൂഹമാധ്യമങ്ങളില് ഏറെ ശ്രദ്ധ നേടിയിരുന്നു.
പരേതയായ ലക്ഷ്മി സുരേഷ്, നടന് ഗോകുല് സുരേഷ്, ഭവ്നി സുരേഷ്, മാധവ് സുരേഷ് എന്നിവരാണ് മറ്റ് മക്കള്.
പ്രതിശ്രുത വരന് ശ്രേയസ് മോഹന്റെ ഇന്സ്റ്റാഗ്രാം സ്റ്റോറി റീഷെയര് ചെയ്ത് വിവാഹനിശ്ചയം കഴിഞ്ഞ വിവരം പ്രേക്ഷകരുമായി പങ്കുവച്ചിരിക്കുകയാണ് ഭാഗ്യ. ‘ലോക്ക് ആയി ഗയ്സ്’ എന്നായിരുന്നു ഭാഗ്യയുമൊത്തുള്ള ചിത്രം പങ്കുവച്ച് ശ്രേയസ് കുറിച്ചത്.
