പാലേലി മോഹന്‍
നമ്പൂരികോറിയ വരയതിന്‍ ധന്യത എത്രയോകഥകള്‍ക്കുരേഖയായി
നാട്ടിന്‍പുറത്തുള്ള പെണ്‍മണികളും പിന്നെ പച്ചപ്പരിഷ്‌ക്കാരി സുന്ദരിമാര്‍
ഹാജ്യാര്, ഗജവീര ഭംഗികള്‍, കൊട്ടാരഗോപുരം, നാട്ടിലെ നല്ലകുളം
സൈക്കിളില്‍പോകുന്ന യാത്രികരും ജന്മി, ഭാരം ചുമക്കുന്ന കൂലിക്കാരും
എംടി തന്‍ നോവലിന്‍ ഭാവംതികഞ്ഞുള്ള ദ്രൗപദി, ഭീമനും യുദ്ധക്കളം
നായും പശുക്കളും കോഴികളും ചെണ്ട വായനക്കാരായ പൊതുവാളുമാര്‍
ആട്ടക്കഥയിലെ രംഗങ്ങള്‍ ചായത്തില്‍ അങ്ങുവരക്കുന്നതിന്റെ ഭംഗി.
വൈക്കത്തെ സുല്‍ത്താനും വീരനാം വികെഎന്‍ എന്നീ പ്രശസ്തരെ തീര്‍ത്തുവച്ചു.
ചെമ്പിന്റെ പാളിയില്‍, സിമിന്റില്‍, മരത്തിലും ശില്‍പ്പങ്ങള്‍ നിര്‍മ്മിച്ചു ഗംഭീരമായ്
പണിക്കര്‍തന്‍ ശിഷ്യനായ് അറിയുന്നു നീയെന്നും ആഴ്‌ച്ചപ്പതിപ്പിലെ വാഴ്‌ച്ചയായി.
ചിത്രങ്ങള്‍ എത്രയോ കോറിയവിരലുകള്‍ ധന്യതനല്‍കിയ തോര്‍മ്മയായി
ഇനിയും പിറക്കണം കേരളത്തനിമയില്‍ ചൈതന്യവത്തായ പുണ്യഭൂവില്‍.
രേഖയാല്‍ കോറണം പേജുകളില്‍ അങ്ങ് വിശ്വവിഖ്യാതരെ എന്നുമെന്നും
നമിക്കുന്നടിയന്റെ ദേഹം അവിടുത്തെ പാദപത്മങ്ങളില്‍ അഭിവാദ്യമായ്.
പ്രതികരിക്കാൻ ഇവിടെ എഴുതുക: