സഹികെട്ടു, ഒടുവില്‍ അവര്‍ വാഴ നട്ടു

അന്തിക്കാട്: കാരമുക്ക് 18 ാം വാര്‍ഡില്‍ രാജീവ്ജി ലിങ്ക് റോഡ് ചെളിക്കുണ്ടായതിനെ തുടര്‍ന്ന് നാട്ടുകാര്‍ വാഴനാട്ട് പ്രതിഷേധിച്ചു. റോഡിനു വേണ്ടി നാട്ടുകാര്‍ പഞ്ചായത്തിലേക്ക് ഭൂമി വിട്ടുനല്‍കിയിട്ട് രണ്ടു വര്‍ഷം കഴിഞ്ഞിട്ടും സഞ്ചാരയോഗ്യമാക്കാനുള്ള നടപടികള്‍ സ്വീകരിക്കാത്തതിനെ തുടര്‍ന്ന് മഴ തുടങ്ങിയതോടെ റോഡില്‍ വെള്ളക്കെട്ടും ചെളിക്കുണ്ടുമായി. നടക്കാനോ വാഹനം കൊണ്ടുപോകാനോ പറ്റാത്ത അവസ്ഥയാപ്പോഴാണ് നാട്ടുകാര്‍ പ്രതിഷേധവുമായി രംഗത്തെത്തിയത്. 

നിരവധി തവണ പഞ്ചായത്ത് അധിക്യതരോട് റോഡ് സഞ്ചാരയോഗ്യമാക്കണമെന്ന് ആവശ്യപ്പെട്ടിട്ടും നടപടി ഇല്ലാത്തതുകൊണ്ടാണ് റോഡില്‍ വാഴ നട്ട് പ്രതിഷേധിച്ചതെന്ന് നാട്ടുകാരിലൊരാളായ ജോസഫ് പറഞ്ഞു. ആനി, രമ, പ്രമീള എന്നിവര്‍ പ്രതിഷേധ സമരത്തിന് നേത്യത്വം നല്‍കി.