ചെറുതുരുത്തി: നാലമ്പല ദര്ശനത്തിനൊരുങ്ങി തിരുവില്വാമല വില്വാദ്രിനാഥ ക്ഷേത്രം. കര്ക്കിടക മാസത്തില് നാലമ്പല ദര്ശനം നടത്താന് ആഗ്രഹിക്കുന്ന ഭക്തര്ക്ക് തിരുവില്വാമല വില്വാദ്രിനാഥ ക്ഷേത്രത്തിലെ രാമ-ലക്ഷ്മണന്മാരെ കൂടാതെ ആഞ്ജനേയ സ്വാമിയേയും തൊഴുത ശേഷം, പാലക്കാട് ജില്ലയിലെ കുഴല്മന്ദത്തിനടുത്തുളള പുല്പ്പുര, മന്ദം ഭരത ക്ഷേത്രത്തിലും, കല്ക്കുളം, ശത്രുഘ്ന ക്ഷേത്രത്തിലും ദര്ശനം നടത്തി തിരിച്ചെത്താവുന്നതാണ്.
കുറഞ്ഞ നിരക്കിലും, സമയത്തിലും നാലമ്പല ദര്ശനം നടത്തി തിരിച്ചെത്താവുന്ന തരത്തില് കൊച്ചിന് ദേവസ്വം ബോര്ഡ് ആഴ്ചകള്ക്ക് മുമ്പ് പുറത്തിറക്കിയ ലഘുലേഖയില് നാലമ്പല ദര്ശന പ്രാധാന്യവും, ഈ ക്ഷേത്രങ്ങളെ കുറിച്ചുള്ള വിവരങ്ങളും സഞ്ചാരവഴികളും രേഖപ്പെടുത്തിയിട്ടുണ്ട്.
